Gàlashìà 4:3 - Mundani

³ Ale, bàambɔŋ e li ngu mbɨ̀Ꞌɨ̀ èbùꞋ, àfɨꞋa ba li mbèle bɔtechɨɨle la, me ghɨ̀ àghɨa èyo̧o̧te fotsə a ègwet te kɨa la.

Gàlashìà 4:3 Referans Kwoze

Kɔ̀losìà 2:20

Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

Gàlashìà 4:9

Ka àfɨ̀Ꞌ yaa bɨ koa Mbɔ̧ɔ̧mà la, kò è shu nê àfɨ̀Ꞌ yaa Mbɔ̧ɔ̧mà ko awɨ̧ la, ngulesi àghɨ yu a ghɨ̂ ka bɨ me kua akwèn nga abua èyo̧o̧te fotsə kà ye àfɨa la wu ghà à? Bɨ chɨɨmè ngɨ̀ nà ka mè me kɨ ewu èbùꞋ a èten tùà à?

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

Gàlashìà 4:31

Ale, bɔnyɨ bɔ̧, baa ntsě bɔ̧ àbùꞋ, ba wu bɔ̧ àvi wu bɔ yɔꞋɔ la.

ÀfaꞋa 15:10

Ale, bɨ ghɨ̀ na ka me kɨ nyɔ̀Ꞌte a Mbɔ̧ɔ̧mà ezǐ àbòꞋà yaa a kɔ̧̀ bɔkatè Yesò bu à? Eyaa wu àbòꞋa bètǎt nyaꞋ ba, kò bàambɔŋ leꞋ e li è ka wuê ko eŋeꞋe ayùà la.

Lûm 8:15

Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

Jɔ̌n 8:31

Yesò ghɨ̀ ale, shu abua Bèjuê bu bɔ zi èntɨ̧ɨ̧ wɔb ane zi la nê, “Bɨ me ghɨ̀ àghɨa mâ shu awɨ̧ la, ko bɨ lâ ngu kwàꞋ bɔkatè bɔ̧,

Ebùlù 7:16

Tà me wu ntsìà mèpɨ̧̀ Mbɔ̧ɔ̧mà ale, è kà wu mbɨ̧ nàà ndàꞋà ànəa àndǎ̧ ntsìà mèpɨ̧̀ la ka è ghɨ̂ tà wu ale la. Wu mètàŋ mèmpème mu kà wu li lìa tà bɔ la, ka è ghɨ̀ atò ane ntsìà mèpɨ̧̀ Mbɔ̧ɔ̧mà la.

Gàlashìà 4:25

Agà naa ale ngua nyɨ̀Ꞌta èbȩ Sinȩ̀ àlaꞋa Àlabìà, tà wu mbɨ̀Ꞌɨ̀ Jèlusalèm laane. Ngu nê bɔ̂ bɔ̧ bi e wu èbùꞋ.

Gàlashìà 3:19

Mbɨ̀Ꞌɨ̀ àa anè la, àfaꞋa mbɨ̧tsə mèe ngu ghà à? Mbɔ̧ɔ̧mà li ŋa mbɨ̧tsə e nɨ nyɨꞋte awa àghɨa kàbɔ̀ŋ wu yùà la tè tea tsiꞋi lìa àfɨꞋa waã wu Mbɔ̧ɔ̧mà li nkàꞋ ànəê yu abua tò la è kɨꞋɨ la. Bɔntu̧ Mbɔ̧ɔ̧mà e li ntsè ane wòt tà tɨ̧ a kètsìà la ŋa mbɨ̧te mbɔŋ abua bɔbȩ.

Matìù 11:28

“Bɨ̀a wu bɨ̀a fàꞋà nkaãaã mè ŋeꞋa àbòꞋa lelet la, bɨ̀ kɨꞋɨ abua am, ko maa ghɨ̌ bɨa yètè.

Lûm 7:14

Baà ko nê mbɨ̧ yaa dzəa abua Mbɔ̧ɔ̧mà, ka e ngu wuê wɔ̀bȩ̂, mè ngu àbùꞋ abua kàbɔ̀ŋ.

2 Kɔlìn 11:20

Wòt nàa ngɨ̀ tà kɨꞋɨ bɨ sàŋ tà nɨ̀ àwɨ̧ mbɨ̀Ꞌɨ̀ èbùꞋ, me fible awɨ̧ nɨa èghɨ bɨ̧, ntsèka a ègwet lɨ̧, mè ntsò̧ò̧tà wɨ̧.

Gàlashìà 4:2

Tàa ngɨ̀ tà bèle a èten bòt bu bɔ̀ɔ ndia tò la, nè bòt bɔ̀ɔ ndɨ̀ŋkà èghɨ to la, tè àfɨꞋa tǎt tò li nɔ̀ŋè la a kùꞋ.

Gàlashìà 4:8

È li ngu àfɨꞋa kà bɨ zìꞋ nko a Mbɔ̧ɔ̧mà, bɨ me wùꞋtè èghɨ ko tsa kà wu bèmbɔ̧ɔ̧mà.

Gàlashìà 4:24

Ànəê yaa a fəə èngà̧teme. Bèzi bàa e nyɨꞋtà mènkàꞋa mâmbè. Wemɔ̀Ꞌ wu Agà tà dzə a ègwet èbȩ Sinȩ̀ la. Bɔ̧ tàa mbia la wu èbùꞋ.

Ebùlù 5:12

Bɨ ghɨ̂ mbɔ̌ ndɨ nàa me wu àfɨ̀Ꞌ yaa bɨa tsiꞋi bènyɨꞋtà la, ka wòt kǒ bɔ ndɨ̀ tàa mèe enyɨꞋte awɨ̧ èghɨ leyu bu wòt bɔ ndɨ tàa bɨ̌ ko ane èngǎ̧ Mbɔ̧ɔ̧mà la. Bɨ bele mbɨ̀Ꞌɨ̀ bòt bɔ̀ɔ me nyɔŋe awɔb la, bɨ bakà zìꞋ nkùꞋ bòt bɔ̀ɔ me jɨ èghɨjɨ kekweelè la.