Gàlashìà 2:21 - Mundani

²¹ E mbakà tu̧u̧ ntsɔ̧̀ wu Mbɔ̧ɔ̧mà nyɨꞋte am nkàà a Yesò Klistò la. Wòt ghɨ̀ ale, ngua ntɨ̧a ndɨŋndɨ̀ŋ a mbì Mbɔ̧ɔ̧mà nkàà na tàa ngɨ̀à mbɨ̀Ꞌɨ̀ mbɨ̧tsə te kɨa la, ko a nyɨꞋtè nê Yesò Klistò li mpfə kwàꞋ àku.

Gàlashìà 2:21 Referans Kwoze

Lûm 11:6

È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.

Gàlashìà 3:21

Tè àyaa a nyɨꞋtè nê mbɨ̧tsə te tsòke ànəa Mbɔ̧ɔ̧mà li nkàꞋ la à? ChaꞋ, a ntsě ale. Mbɨ̧tsə te ghɨ̀ ale ngua nkɨ̀Ꞌa mbɨ̀Ꞌɨ̀ eŋa mèmpème abua bɔbȩ, ko bòt aà ntɨ̧a ndɨŋndɨ̀ŋ e mbì Mbɔ̧ɔ̧mà nkàà na bɔ̀ɔ ngɨ̀à àghɨa mbɨ̧tsə te kɨa la.

Ebùlù 7:11

Mbɔ̧ɔ̧mà li ŋa mbɨ̧tsə abua bòt Izəèlȩê ane ndɨ tèa nkùꞋu ane àfaꞋa tà ŋa abua bèntsìà mèpɨ̧̀ Mbɔ̧ɔ̧mà bu be dzə a èbem àndǎ̧ Levì la. Ale, àfaꞋa bèntsìà mèpɨ̧̀ Mbɔ̧ɔ̧mà bu bɔ dzə àndǎ̧ Levì la a li ngɨ̀ ale ngu ko e ghɨ̌ bòt aa wu mbɨ̀Ꞌɨ̀ bɔ wuê ewu la a mbì Mbɔ̧ɔ̧mà, ko Mbɔ̧ɔ̧mà li tà kà tsi ntsàà ntsìà mèpɨ̧̀ ko tsa, tà wù mbɨꞋɨ̀ Mèkizedèk kà wu mbɨꞋɨ̀ Alɔ̀n la.

1 Kɔlìn 15:14

A wu nê, Yesò Klistò bakà yù̧ù̧mê, ko èngǎ̧ Mbɔ̧ɔ̧mà wu ba làꞋà la e wu àku, èntɨ̧ɨ̧ wu bɨ zi ane Yesò Klistò la mè ngu àku.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

1 Kɔlìn 15:2

Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

Gàlashìà 2:18

Ka e ngu anè mè me kùŋe mènəè mu e ndi ntu̧, (mbɨ̀Ꞌɨ̀ etɨ̧ɨ̧ ndɨŋndɨ̀ŋ e mbì Mbɔ̧ɔ̧mà la), ko e ntsiꞋi wòt tàa mpààtà mbɨ̧te mbɔŋ la.

Lûm 8:31

Bàà wu anè laꞋ nê ghǎ ane ayaa? Mbɔ̧ɔ̧mà wu nè nà, ko wòt wu betsiꞋa tà ghɨ̀ àghɨ ane ya la wu wàà?

Ntu̧ Ntsɔ̧̀ MAK 7:9

Yesò shu abua yɔb nê, “Bɨ bɔ èyì ko bɨ̀a nkɨ̌ nɨ etu̧ èngǎ̧ Mbɔ̧ɔ̧mà mbɨ̀Ꞌɨ̀ me kùŋe wuê mènəè ndɨ̧ yɨ̧ la.

1 Kɔlìn 15:17

A mè ngu nê, Mbɔ̧ɔ̧mà li tà kà yu̧u̧me a Yesò Klistò, ko èntɨ̧ɨ̧ wɨ̧ wu bɨ zi ane Yesò Klistò la wu àku, a mè me nyɨꞋte nê kàbɔ̀ŋ bele a mèntɨ̧ɨ̧ mɨ̧.

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.