Gàlashìà 2:11 - Mundani

¹¹ AfɨꞋa Pità e kɨꞋɨ a Antìɔ̀k la, Pɔ̂l tu̧ ànəa Pità è ghɨ̀à la a ètsəê tò a mbì banɔ̧̀, nkàà nê tà fǎ̧ ànəê.

Gàlashìà 2:11 Referans Kwoze

1 Tɔ̀màtià 5:20

È me wu bòt bu bɔ̀ɔ ngɨ̀à mènəè kàbɔ̀ŋ nɨa ngà wuê nè mbì la, à me tsia wɔb a kètsìà bòt ŋȩ̀te awɔb, mbɨ̀Ꞌɨ̀ bòt ko aa ye e bɔɔ.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.

Jimsì 3:2

Bàa gème aà fà̧à̧tà mènəè. Ale, wòt me làꞋa mbakà wua fà̧à̧tà mènəè, tà ko nê, mènəè mi ègème lâ nkùꞋ, ye mè ngu ko ebaabe mbɨ̧̀ ènyit zi ègème.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Gàlashìà 2:5

Ka bɔ ghɨ̀ ale bà ka bê ŋa èlu̧ abua yɔb, ka wuê adzìꞋ, mbɨ̀Ꞌɨ̀ ghɨ̌ nkûŋ yu ane Ntu̧ Ntsɔ̧̀ Yesò Klistò la naa tèꞋa ane yɨ̧.

2 Kɔlìn 12:11

Maà ndàꞋà mbɨ̀Ꞌɨ̀ àkèghɨ̧̀, ka am ale è ghɨ̀à bɨ̀a. Wu bɨ̀a ka bɨ wuê me shu bòt wòt è ngu wùà la. Mâ batè è nka wu àghɨa ko, ka bòt bɨ̧ bu bɔ li ngua ŋèꞋa wɔb a ègwet shua nê awɔb tsàà Mbɔ̧ɔ̧mà la e li bɔ̀ ka tsè am ane àghɨa ko.

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

2 Kɔlìn 11:5

Bɨa ŋèꞋa bòt bɨ̧ bu a ègwet shua nê bɔ ghe ka bɔ̀ ka tse am ane àghɨa ko.

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

Jɔ̌n 1:42

Tà nɨa Simùn nkɨ̀Ꞌɨ̂ abua Yesò. Yesò lɔ̀kè àvi ndzě atò nê, “Bɔɔ ntɔ awê ane Simùn waã Jɔ̌n. Èlen lê aa tsiꞋi Sefàs.” (Sefàs wua shua nê Pità. Lə Pità è wu èwu.)

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 11:22

AfɨꞋa chɔsì wu a Jèlusalèm la e zə ànəê yaa la, bɔ tsɔꞋɔ a Bànabasì ntu̧ a Antìɔ̀k.

ÀfaꞋa 11:27

ÀfɨꞋa mbɔŋ wu àfɨꞋa bèndàꞋàtɔŋ Mbɔ̧ɔ̧mà ko e li ndɔ̀Ꞌ a Jèlusalèm nchu nga a Antìɔ̀k la.

ÀfaꞋa 15:5

Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”

Gàlashìà 1:18

ÈngùꞋebȩ yetat e li ntsè, e nkɔꞋ nga a Jèlusalèm eyea Pità, ntsèke ba tò ane èlibȩ ntsɔ̀b betà̧â̧.