Gàlashìà 2:1 - Mundani

¹ ÈngùꞋebȩ e li ntsè ntsɔ̀b yekwì, e nga a Jèlusalèm bâ Bànabasì, me ghǎ ale nɨ̀a Tȩtɔ̀s.

Gàlashìà 2:1 Referans Kwoze

Gàlashìà 2:3

Tȩtɔ̀s wu ba tò e li ngà nɔ̂ la li mbàte ngu wòt Glɨ̂k ale ka bɔ̀ ka lem ŋweele atò e ghɨ̌ bɔɔ naŋe tò mbɨ̀Ꞌɨ̀ taa tsiꞋi wòt Mbɔ̧ɔ̧mà.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Kɔ̀losìà 4:10

Àlistakùs wu ba tò è wu a tèfȩ nɔ̂ la nàà ntsàꞋtà wɨ̧. Mak wu tà wù waã wanyɨ Bànabasì la nàà ntsàꞋtà wɨ̧ mɨ̧̂. Bɨ ko nê mâ yaŋe shua wɨ̧ ndɨ bɨ yea Mak bɨ ghɨ̀ la. Ale, taa kɨꞋɨ bɨ sèe atò.

Gàlashìà 2:13

Bèjuê ko bu e ye ale, mbɔɔ̀ àyɔb mɨ̧̂ tè ntsìꞋi me kua kwèn kwèn mbɨ̀Ꞌɨ̀ tòa, tè Bànabasì fà̧ nyi ayɔɔ yɔb ntsìꞋa ngɨ̀à mbɨ̀Ꞌɨ̀ bɔ̀ɔ ngɨ̀à la.

Gàlashìà 1:18

ÈngùꞋebȩ yetat e li ntsè, e nkɔꞋ nga a Jèlusalèm eyea Pità, ntsèke ba tò ane èlibȩ ntsɔ̀b betà̧â̧.

2 Kɔlìn 8:23

È me wua Tȩtɔ̀s ko tà wu wòt ba tò àa fàꞋà nɔ̂ a màntɨŋa wɨ̧ la. È me wu bɔnyɨ ba ko bu nkɨ̀Ꞌa bɔ̂ tò ba la ko wu bòt bèchɔsì e tsàà la. ÀfàꞋ àyɔb aà ndɔ̀kà èlen Yesò Klistò ntsaa a ègwet.

2 Kɔlìn 8:16

Mâ kɔ̀ŋka Mbɔ̧ɔ̧mà nê tà ghɨ̂ Tȩtɔ̀s me kɨ etɨŋe awɨ̧ wuê mbɨ̀Ꞌɨ̀ màa nkɨ me ghɨ̀ la.

1 Kɔlìn 9:6

Kò wu wuê baà Bànabasì ba bɔ ndɨ bàa me fàꞋa ka mbɔ̌ èkab è me wu bɔntu̧ ko bɔ me nɨ nɨ la le è?

ÀfaꞋa 15:25

Ale, baa tsèke a si, ndàŋkè bàgème nê, bà lȩ̀ bòt babe è ntsà bɔ̀ kɨꞋɨ nkwène ane yɨ̧. Bòt ngaa e ghȩ̀ȩ̀nè ne ngule bɔnyɨ ba Bànabasì bɔ̂ Pɔ̂l,

ÀfaꞋa 14:12

Mbɔ̂ ntsì èlen Bànabasì ane Ziyù è wu mbɔ̧ɔ̧mà kǒ la, ntsì è le Pɔ̂l ane Emès nkàà nê tà lè wu wòt tàa ndàꞋà èngǎ̧ wu la.

ÀfaꞋa 13:50

Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.

ÀfaꞋa 13:2

Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”

ÀfaꞋa 12:25

AfɨꞋa mbɔŋ, Bànabasì bɔ̂ Sɔ̂l e paà àghɨa bɔ̀ le wua ngà e ghɨ̌ a Jèlusalèm la, mbɔ̂ nkua akwèn. Me kua ale, nɨa Jɔ̌n wu bɔ li ngua ntɔ atò nê Mak la, bɔ̂ tò ba e kua nɔ̂.

ÀfaꞋa 11:30

Bɔ chùbtè èghɨ mbɔŋ ale, ntsaa Bànabasì bɔ̂ Sɔ̂l, nê bɔ̀ gha ŋǎ abua bɔɔjuŋ ayɔɔ bòt Yesò bu bɔ̀ ghabta.

ÀfaꞋa 11:25

Bànabasì li nga a Tasɔ̀s, ekɨ a Sɔ̂l.

2 Kɔlìn 2:13

Mbàte ngàꞋa ale ka èntɨ̧ɨ̧ am è ka nɔ̀ŋke a èbèm laã ntsɔ̧̀ nkàà nê e ndi è nka ye wanɔ̧ Tȩtɔ̀s abàꞋ və. Ale, e ndàꞋnè àwɔb ntsiꞋi ghà ne Màsèdonìà.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.