Gàlashìà 1:16 - Mundani

¹⁶ nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Gàlashìà 1:16 Referans Kwoze

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Lûm 11:13

E ntsiꞋa ndàꞋa abua yɨ̧ bɨ̀a bòt kà wu bòt Izəèlȩê àfɨ̀Ꞌ yaa. Maa me ghàꞋtè am ane àfàꞋa am mbɨ̀Ꞌɨ̀ è ngu wantu̧ Yesò abua bòt kà wu bòt Izəèlȩê la,

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Matìù 26:41

Bɨ̀ tseke àtatsi me tsàꞋte a Mbɔ̧ɔ̧mà mbɨ̀Ꞌɨ̀ bɨ kwen a èbem ètaãaãte mènəè. Èntɨ̧ɨ̧ aà ndâ nkɔ̀ŋkà e ghɨ̌ àghɨ, ka mbɨ̧̀ ènyit ka wua nkɨà.”

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

2 Tɔ̀màtià 1:11

Mbɔ̧ɔ̧mà è lȩ̀ am ane wantu̧ vi nê è nyɨꞋte mè ntsɔ̀tè Ntu̧ Ntsɔ̧̀ yu abua bɔbȩ.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.

Gàlashìà 2:1

ÈngùꞋebȩ e li ntsè ntsɔ̀b yekwì, e nga a Jèlusalèm bâ Bànabasì, me ghǎ ale nɨ̀a Tȩtɔ̀s.

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

ÀfaꞋa 5:42

E bùꞋu àfɨꞋa ngaa eghǎ ne mbì, bɔ me ghà àli àgème a èbem lob nɨ̧ Mbɔ̧ɔ̧mà a Jèlusalèm nè èpfəè bòt, ndàꞋà mè ntsɔ̀tà Ntu̧ Ntsɔ̧̀ nê Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.