Filìpȩ 4:9 - Mundani

⁹ Bɨ̀ me ghɨ̀ mènəè mu mâ nyɨꞋte awɨ̧ mè ndzì à tèkitebu tɨ̧ la, nè mènəè mu bɨ li ndzə a ètsəê am mè ndzě ndɨ e ngɨ̀à la. Bɨ ghɨ̀ ale, ko Mbɔ̧ɔ̧mà wu tàa ŋàa awa àlàŋkè la naa wu ne nɨ̧̀.

Filìpȩ 4:9 Referans Kwoze

Jimsì 1:22

Bɨ̀ ka me fɨte awɨ̧ bɨ̀ambɔŋ ndzəèa àghɨa èngǎ̧ Mbɔ̧ɔ̧mà e shua la zə, bɨ̀ me ghɨ̀ mbɨ̀Ꞌɨ̀ e shua la.

Filìpȩ 3:17

Bɔnyɨ bɔ̧, waa waa nɨ àka lèghȩ̀ȩ̀nè àzi ane yaã. Bɨ̀ me lɨ̀ŋke bòt bu bɔ̀ɔ ngɨ̀à ntsɔ̧̀ anè la, na ba tò ba e nyiꞋte awɨ̧ ndɨ bɨ wu me ghȩ̀ȩ̀nè la.

2 Pità 1:10

È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,

Jɔ̌n 13:17

Bɨ koa èghɨ bàa, mè me ghɨ̌ bùà ko ntsɔ̧̀ wu bɨ̀a.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Lûm 16:20

Mbɔ̧ɔ̧mà wu tàa ngɨ̀à baa bɔ àlàŋkè la, bele yàŋe tsòkè mètàŋ Satàn, e ghɨ̌ tàa tsiꞋi a èten lɨ̧̂. Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

Lûk 6:46

“Ghǎ ghɨ̂ bɨ me tɔ am nê, ‘Tê, Tê,’ ka bɨ̀ ka wua ngɨ̀à àghɨa màa shuà la à?

Matìù 28:20

mbɔ̂ nyɨ̀Ꞌte awɔb nê bɔ̀ me ghɨ̌ àghɨ àgème e ndi shu awɨ̧ la, nko nê maa wu nè nɨ̧̀ tê ghǎ dzəâ àfɨꞋa ngɔ̀ŋ nàa li lìà la.”

Matìù 7:21

“È ntsě wòt ègème tàa ntɔ am nê Tè, Tè la tàa li nyi a kèfɔ̧̀ Mbɔ̧ɔ̧mà la. Ka bòt bɔ̀ɔ li nyi a Kèfɔ̧̀ Mbɔ̧ɔ̧mà la wu ndàꞋ èbu bɔ̀ɔ ngɨ̀à àghɨa tǎt am wu a ègwet la nàa nkɨà la.

2 Tèsàlonikà 3:4

Yesò ghɨ̂ ba lâ nko nê, bɨa me ghɨ èghɨ bu ègème bàa shua wɨ̧ la, nɨa ngà nè mbì.

1 Tèsàlonikà 1:6

Bɨ li ngua fɨ̀ŋa mènəè ma, nè me Tè Yesò. Bɨ li mbàtè ntàꞋa ye ngoꞋ, a tèkitebu bòt, ka mbɔ̂ mbɨ̧̀ɨ̧̀nê wuê Ntu̧ Ntsɔ̧̀ yu nè mèngùꞋte mu Fo Kèfə nàa ŋǎ la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

Lûm 15:33

Maà ntsàꞋtà nê Mbɔ̧ɔ̧mà wu tàa ngɨ̀à bòt e bɔ àlàŋkè èntɨ̧ɨ̧ la wu nɨ̧̀ bɨ̀agème. Àmèn.

Jɔ̌n 2:5

Nyɨ̌ tò shu abua bòt bu ngàbtà èghɨ abot la nê, “Bɨ̀ ghɨ̌ àghɨa àgème tà shu nê bɨ̀ ghɨa la.”

Lûk 8:21

Yesò shu abua banɔ̧̀ bu bàgème nê, “Nyɨ̌ am bɔ̂ bɔnyɨ bɔ̧ wu bòt bu bɔ̀ɔ ndzəèa èngǎ̧ Mbɔ̧ɔ̧mà ngɨ̀à àghɨa e shua la.”

1 Tèsàlonikà 2:14

Bɔnyɨ bɔ̧, àghɨ yu a li ngɨ̀ ane bèchɔsì Mbɔ̧ɔ̧mà bu a Jùdià bè wu àghɨ yeamɔꞋ nè Yesò Klistò la, a bê ngɨ ane yɨ̧. Bòt àlaꞋ ayɨ̧ e li ngua nkɨà àtsəa yɨ̧ enɨ wuê mbɨ̀Ꞌɨ̀ Bèjuê e li ngua nkɨà àtsəa bòt Jùdià enɨ la.

1 Kɔlìn 10:31

Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la.

ÀfaꞋa 9:6

Ka, lɔ̀Ꞌɔ a si nga a èbem àpfəèà nɨ̧ yu, ko bɔɔ shu awê àghɨa à bɔ̂ ndɨ àa ghɨ̌ la.”

2 Tɔ̀màtià 4:22

Maà shù̧ù̧ta Mbɔ̧ɔ̧mà nê tà wu ne nè, mè me nyɨꞋte a ntsɔ̧̀ vi abua yɨ̧ bɨ̀agème.

1 Kɔlìn 14:33

nkàà nê Mbɔ̧ɔ̧mà nàà kà kɔ̀ŋkè ànəèꞋnè, tà wu Mbɔ̧ɔ̧mà àlàŋkè. Mbɨ̀Ꞌɨ̀ àa èbem bèchɔsì bòt Yesò a èdzìꞋ ègème la,

Jɔ̌n 15:14

Bɨ me ghɨ̀ àghɨa e shua la, ko bɨa wu bèshu̧ bɔ̧.

1 Jɔ̌n 3:22

Bàa ngɨ̀ bà lo̧ àghɨ tè tà ŋa, nkàà nê baa ndzəa tò mè ngɨ̀à àghɨa tàa nkɔ̀ŋkà la.

Matìù 1:23

“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

1 Kɔlìn 4:16

Ale, e ngua shù̧ù̧ta wɨ̧ nê bɨ̀ me kùŋè tèka taã.