Filìpȩ 4:12 - Mundani

¹² Mâ ko ndɨ betsiꞋa e ntsèke àfɨꞋa è mbaka bɔ àghɨ la, mè nko ndɨ betsiꞋa e ntsekè àfɨꞋa mâ bɔ nyaŋ la. Mâ ko ntsèm yaa mbɨ̀Ꞌɨ̀ è maa è ngà wuê a ka àdziꞋa, ka wuê a ka àfɨ̀Ꞌ leꞋ, mâ bɔ àghɨ kò è mbaka bɔŋ la, e nko ntsèkê. Kò ndzì taã teà nkua, kò teà kà ku leꞋ, ko maa tseke ale.

Filìpȩ 4:12 Referans Kwoze

Matìù 11:29

Bɨ bɨ̧ɨ̧nè mèngǎ̧ mɔ̧, ka è màà ndèt ntsèa wɨ̧, mè me kùŋè tèka taã, ko mèntɨ̧ɨ̧ mɨ̧ naa yète, nkàà nê mènəè mɔ̧ naa njùa, e mè mbɔ àbɔɔla èntɨ̧ɨ̧.

2 Kɔlìn 11:27

Mâ fâꞋ mbɔ̀ tèbəꞋtsə, ndì àtatsi ngò̧ nyaŋ, ntsèka kà ye èghɨjɨ ejɨ kò mèleb enu leꞋ. Mâ tsèke ngò̧ nyaŋ kà jɨ àghɨ, è nka mê ndzè lob e tseke a èbèm, è nka mê ndzè ndǐ ekwaãaã a èfɨ̀Ꞌ ko.

2 Kɔlìn 11:9

E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 11:7

Tè e ndi ngɨ a kàbɔ̀ŋ ndɨ̀ wu e ndi nkɨ̀Ꞌɨ̂ nɨ am a si, màa nkɨ mbɨ̀Ꞌɨ̀ eŋeꞋe awɨ̧ a ègwet, ndàꞋà Ntu̧ Ntsɔ̧̀ abua yɨ̧ kà lo̧o̧ àghɨ la à?

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

Matìù 13:52

Tà mè shu abua yɔb nê è wu ale, nyɨꞋtà mbɨ̧tsə tà tsiꞋi wakatè a kèfɔ̧̀ Mbɔ̧ɔ̧mà la, wu mbɨ̀Ꞌɨ̀ tǎt lob wu tàa ngɨ̀ tà tsɔꞋɔ àtsəa lob zi ntsì èghɨ ntsɔ̧̀ fi bi nè èbe nyaꞋ àfɨꞋa tà kɔ̀ŋkè la.