Filìpȩ 3:11 - Mundani

¹¹ Maà nkɨ e ghɨ̌ ale mbɨ̀Ꞌɨ̀ Mbɔ̧ɔ̧mà naa li eyu̧u̧me am ayɔɔ bèmpfəà eŋa am mèmpème.

Filìpȩ 3:11 Referans Kwoze

Ètsə 20:5

Èbeko nè bèmpfəà be li bè ka yu̧u̧mè tè mèngùꞋebȩ mu tɔsì la è tsè. Eyaa wu ngo̧ mbì bòt àa yu̧u̧me la.

ÀfaꞋa 26:7

Eyaa wu èghɨ mbɔŋ bu Mbɔ̧ɔ̧mà li nkàꞋ abua lətelob Izəèlȩê tu èghem ntsɔ̀b tebe nê bɔɔ li ebɔ mbɨꞋɨ̀ bɔ̀ɔ ngùꞋtà àvi a nyèmtèsi nè tètsɔꞋ la. Fɔ̧̀ Aglipà, Bèjuê e kɨ enɨ àtsə am anè ngu ànəa ntɨ̀ ngaa ba tò ba e bɔ la.

ÀfaꞋa 23:6

AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”

Ebùlù 11:35

Èntɨ̧ɨ̧ mbɔŋ bɔ zi ane Mbɔ̧ɔ̧mà la e ghɨ̀ bèzi e mè ndze bòt bɔb bɔ li mpfəèꞋte Mbɔ̧ɔ̧mà mè ngɨ̀ bɔ yu̧u̧me la. Bɔ li ngɨ̧̀ɨ̧̀nè èbeko tè bɔ pfəꞋtè, ngu ndɨ bɔ tu̧u̧ ebɨ̧ɨ̧ne bɔɔ sà àwɔb la, bɔ̀ɔ nkɨ mbɨ̀Ꞌɨ̀ li eyu̧u̧me e bɔ mèntsèke ntsɔ̧̀ la.

2 Tèsàlonikà 2:3

Bɨ̀ ka mbɨ̧̀ɨ̧̀ne wòt kǒ fɨte awɨ̧ ka wuê ane alu̧ kǒ, ngu nê betsiꞋa àlia ngaa à ka kɨꞋɨ̀ tè àfɨ̀Ꞌ yu bòt nyaŋ àa me səèꞋtè àwɔb ane Mbɔ̧ɔ̧mà nè mènəè tò la a kùꞋ. Eyaa wu àfɨ̀Ꞌ yu wòt wu tàa ka bê nkɨ ezə ànəa Mbɔ̧ɔ̧mà ko tsa la nàa pùùlà la. Tà wu wòt wu Mbɔ̧ɔ̧mà nàa li e nyɔŋe atò a èbem èwet la.

1 Tèsàlonikà 3:5

Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

1 Kɔlìn 9:27

Ka màa ngɨ̀ e me kuule mbɨ̧̀ ènyit yaã, ŋwèèlà èghɨ èntɨ̧ɨ̧ am e kɨa la ndzia a si, màa ngɨa ale mbɨ̀Ꞌɨ̀ ka e ndàꞋà èngǎ̧ Mbɔ̧ɔ̧mà abua bòt ko, a ghà me lìa Mbɔ̧ɔ̧mà nê e mbakà kùꞋ la.

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Jɔ̌n 11:24

Màta shu abua tò nê, “Mâ koê nê taa li mèe lɔ̀Ꞌɔ a si ane àli yu bèmpfəà bèa yu̧u̧me la.”

Lûk 14:14

ko aa bɔ èlɔ̂t ngu ndɨ bèŋût e ka li ko evəâ èsiꞋ ngaa la. Mbɔ̧ɔ̧mà naa li tsɔꞋɔ àfàꞋ àyê, ane àli yu tàa li yu̧u̧me bòt bu bɔ li ntɨ̧ɨ̧ ndɨŋndɨ̀ŋ a mbì tò ka mpfəèꞋte la.”

ÀfaꞋa 27:12

ÀdziꞋ yu bɔ̀ɔ ngɔ̀ɔ̀bà ènkànuꞋ àbȩ la a li à ka wu àyea betsiꞋa bɔ jɨ àbɨ̂ŋ abot la. Ale, àbəꞋa bòt nyaŋ a nê, bɔ̀ nyɔꞋta ngà tè ngu àpfəè yu è wu Finìk la, na bɔ wu ko eghǎ tè enyi abot la. ÀdziꞋa ngaa wu àdziꞋa bɔ̀ɔ ngɔ̀ɔ̀bà ènkànuꞋ a Klît la. À ghɨ̀ ale, àbà ako a me ye àkɔꞋɔ, àbà ako a me ye àtsɔꞋɔ, ŋà èlu̧ ndɨ betsiꞋa bòt e jɨ àbɨ̂ŋ abàꞋ və la.

1 Kɔlìn 15:23

Mbɔ̧ɔ̧mà bɔ̂ ngu ghɨ waa waa naa yu̧u̧me ane vi ne akɔ̀Ꞌ. Yesò Klistò bɨɨ njù̧ù̧mê, bòt bu è wù èbe tò la e wu li yu̧u̧me mɨ̧̂ ane àli yu tàa li kɨꞋɨ la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.