Biblia Todo Logo
Bib sou entènèt

- Piblisite -




Filìpȩ 2:13 - Mundani

13 Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Gade chapit la Kopi




Filìpȩ 2:13
39 Referans Kwoze  

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.


Ba ntsea shua nê ba ghɨ̀à àfàꞋ yaa ane mètàŋ ma. Wu Mbɔ̧ɔ̧mà ka tà ŋa awa mètàŋ ba me nɨa ngɨ̀à àghɨa bàa ngɨ̀à la.


Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.


Ale, kò Mbɔ̧ɔ̧mà làa wòt kò tà bakà là leꞋ, ko a ntsě mbɨ̀Ꞌɨ̀ wɔ̀bȩ̂ kɨa la, a wu wuê ane tèsȩte Mbɔ̧ɔ̧mà.


Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.


Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.


Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.


Mèyì a mànɨa ghɨ èghɨ nàà tsa tsa, è bɔ̂ ngu wuê Mbɔ̧ɔ̧mà ka tà ŋa èyǐ waa waa nàa nɨa ngɨ̀à àzi ne àfàꞋ la.


Eyaa wu lə bàa ntsèka ntsàꞋta Mbɔ̧ɔ̧mà ane ànəa yɨ̧ àfɨ̀Ꞌ àgème la. Baà tsàꞋtà nê Tǎt wa Mbɔ̧ɔ̧mà ghɨa mèntsèke mɨ̧ kùꞋù ndɨ tà tɔ awɨ̧ nê bɨ̀ me tseke la. Maa shù̧ù̧ta Mbɔ̧ɔ̧mà nê tà ghɨa bɨ̀ me ghɨ a ntsɔ̧̀ wu bɨ̀a nkɨ e ghɨ̀ la, nkàà nê tà bɔ mètàŋ a màngɨa ale, mè ngɨ̀ bɨ̀ paa ngɨ̀ èghɨ bu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la.


Mbɔ̧ɔ̧mà li nga ambo èkɔŋ wu tà bɔ ane ya la mbèla àfɨꞋa tsa ntàŋke ndɨ Yesò Klistò nàa li ghɨ̌ baa tsiꞋi bɔ̧ bi la. Tà li ngɨ̀ àyaa ndɨ tà kɔ̀ŋkè nê à wu la.


Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.


“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.


Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.


Ale, Yesò nê “Eyaa wu lə yu e ndi shu abua yɨ̧ nê betsiꞋa wòt kà kɨꞋɨ etsiꞋi wòt am kà Tǎt am ghɨ̀ ane ndɨ tàa kɨꞋɨ la.”


Bɔ li bɔ̀ ka batè ndzìꞋi mbi àwɔb, bɔ̀ ka meè ndzìꞋì ngɨ̀ àghɨa ntsɔ̧̀ kò àyea kàbɔ̀ŋ leꞋ, ka mbɨ̀Ꞌɨ̀ aa nyɨꞋte nê Mbɔ̧ɔ̧mà li ndàà waã mbɔŋ ane mènkɔ̀ŋke mi mbɨ̀Ꞌɨ̀ tà li nɔ̀ŋè la,


Bɔ shɨ a èbem àkata bèndàꞋàtɔŋ nê ‘Wòt tàa li me nyɨꞋte bòt la wu Mbɔ̧ɔ̧mà’. È wu ale, wòt ègème tà ŋa àtû̧ azi abua Mbɔ̧ɔ̧mà ndzə ànəa èngǎ̧ tò e shua la, naa kɨꞋɨ abua am.


Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.


Mbɨ̀Ꞌɨ̀ bɔ̀ɔ ntsɔ̀tà la, mètàŋ Mbɔ̧ɔ̧mà wu ane yɔb tè bòt nyaŋ e taꞋa bɨ̧ɨ̧ne a Yesò, mè ndzì mèntɨ̧ɨ̧ mɔb ane tò.


“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”


E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.


Swiv nou:

Piblisite


Piblisite