Filìpȩ 1:30 - Mundani

³⁰ Tà ŋǎ èlu̧ wàa mɨ̧̂ nê, bɨ̀ zì àbu ba nɨ̧̀ ba è nù èbet waa àfɨ̀Ꞌ yaa. Eyaa bele wuê èbet wu bɨ li ndzè am nùà la, mbɨ̀Ꞌɨ̀ bɨ ko nê è bèle wùà è ngua nua àfɨ̀Ꞌ yaa la.

Filìpȩ 1:30 Referans Kwoze

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

2 Tɔ̀màtià 4:7

Mâ nù èbet ntsɔ̧̀, mâ lùùlà tê mpàâ,

Ebùlù 12:4

Èbet wu bɨ̀a ntsèka nùà ane ànəa mènəè kàbɔ̀ŋ la e bakà ziꞋ nga te wu àdziꞋa àlo̧ wòt kǒ àa chɨ̧ɨ̧te a si la.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

Filìpȩ 1:13

Àghɨa a ghɨ̀ la wu nê, mbɨ̀Ꞌɨ̀ è ngu a tèfȩ a èbem ntɔꞋ anè la, a ghɨ̂ bèshujà bu mbààba ntɔꞋ mbɔŋ la, nè wòt ègème a si ŋàa e ko nê bɔ kȩ̀ am nkàà ànəa Yesò Klistò.

Kɔ̀losìà 2:1

Maà nkɨà bɨa ko ndɨ màa ndèbà ènyit yaã mbɨ̀Ꞌɨ̀ è ngu etɨŋe awɨ̧ nè bòt Làoêdisìà, nè bòt ko bu bàgème kà li tè mè ye am la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.