Bib sou entènèt

Filìpȩ 1:20 - Mundani

²⁰ Maa nchɨ̀ɨ̀mâ nkɨ̀a, mè mbɔ ntɨ̀ nê, è nka bê lɔ̀Ꞌɔ ebɔ àtsəa kɔꞋɔ ane ànəa Yesò a. Ka maa lɔ̀kè èlen Yesò Klistò etsaa ègwet àfɨ̀Ꞌ yaa mbɨ̀Ꞌɨ̀ màa ndzìà ngɨ̀à la, kà bɔ̀a. E màà ngu bele wuê a sitsǎꞋ ŋàa, kò mpfə leꞋ, ko maa me lɔ̀kè wuê èlen tò.

Gade chapit la Kopi

tounen moute ⬆

Filìpȩ 1:20
41 Referans Kwoze

1 Pità 4:16

Ka wòt me ye ngoꞋ nkàà nê tà wu Klɨtèn, tà ka mbɔ̀ àtsəa kɔꞋɔ, tà ŋa wuê mèngùꞋte abua Mbɔ̧ɔ̧mà nê bɔɔ ntɔ avi ane wòt Yesò Klistò.

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

2 Kɔlìn 10:8

È màà ngu wuê nê, mâ ghàꞋtè am tè ntsè ndɨ mâ wu ghɨ̀ la ane àtɔŋ yu Yesò Klistò ŋa abua am la, ko àtsə am aa kà kɔꞋ ane ànəa mbɔŋ. Tà li tà kà ŋa àtɔŋ yaa nê è nɨŋ ntsòkè mèntɨ̧ɨ̧ mɨ̧. Tà li ŋa nê è nɨŋ ngɨ̀ mèntɨ̧ɨ̧ mɨ̧ me kweele.

2 Kɔlìn 4:10

ngà àdzìꞋ àgème mbɨ̀Ꞌɨ̀ bòt bɔ ŋa ètsə bɔb epfə mbɨꞋɨ̀ Yesò la, bàa ngɨ̀a anè mbɨ̀Ꞌɨ̀ bɔɔ ye ndɨ Yesò Klistò li ngua ntsèka la ane mbɨ̧te ènyit ta la.

1 Kɔlìn 7:34

Ale, ŋut nàa ngɨ̀ tà tsiꞋi èntɨ̧ɨ̧ tebe. Àvi kà bɔ lu̧, kò waàvi tèchɨɨle leꞋ, nàa ngɨ̀ tà nɔ̀ŋè èntɨ̧ɨ̧ vi a màngɨa wuê mènəè Tè Yesò, mɨ̀ɨ̀tà wuê ndɨ yèa ŋa èntɨ̧ɨ̧ vi nè mbɨ̧̀ ènyit zi nènkèm wuê abua Mbɔ̧ɔ̧mà la. Ka àvi tà yɔꞋɔ la nàa ngɨ̀ tà nɔ̀ŋè èntɨ̧ɨ̧ vi a màngɨa wuê mènəè ngɔ̀ŋ, mɨ̀ɨ̀tà wuê ndɨ yèa me ghɨ̀ mènəè nàa mbɔ̀ lu̧ vi la.

Lûm 5:5

Mbɨ̀Ꞌɨ̀ baa ko ale la, baa ntsèa nchɨ̀Ꞌà àku, nkàà nê Fo Kèfə yu tà ŋa abua ya la è ghɨ̂ èkɔŋ tò e lu̧u̧ a mèntɨ̧ɨ̧ ma.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Lûm 12:1

Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.

2 Kɔlìn 7:14

E ndi ngàꞋtà am a mbì Tȩtɔ̀s ane ànəa yɨ̧, tà kɨꞋɨ bɨ̀ ka ghɨ̂ maa bɔ àtsəa kɔꞋɔ. Ànəa gème ba li shu abua yɨ̧ la li ngu nkûŋ. Ànəa ba ghàꞋtà wa adù̧ a mbì Tȩtɔ̀s la, a mè ndzəè ngu nkûŋ.

2 Kɔlìn 5:15

Tà li mpfə ane ànəa bòt bàgème, mbɨ̀Ꞌɨ̀ bòt bu tà ŋa awɔb mèmpème la è ka tsi me ghɨ̀ àghɨa àa mbɔ̀ wɔb la a. Bɔɔ tsiꞋi me ghɨ̀ àghɨa àa mbɔ̀ wòt wu tà li mpfə ambo yɔb Mbɔ̧ɔ̧mà yù̧ù̧me atò la.

1 Kɔlìn 15:31

Bɔnyɨ bɔ̧, èvə aa nəèꞋa a tèdzi taã àli àgème. E nkà̧à̧ àyaa ane kèghàꞋtè fu mâ bɔ ane yɨ̧ ndɨ̀ wu bà wu àghɨ yeamɔꞋ nè Yesò Klistò Lefɨ̀Ꞌ wa la.

Lûm 9:33

Àyaa a wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Bɨ̀ ye, e ngua nɔ̀ŋa èti a Zayɔ̀n, èti àa ghɨ̌ bòt aa sèmne adù̧ la, èwu àa ghɨ̌ bòt aa kwene la. Wòt tà zi èntɨ̧ɨ̧ vi ane tò la ka bɔ àtsəa kɔꞋɔ.”

Lûm 6:19

E ngua nɨa èghɨ ngɔ̀ŋ ka fɨ̀Ꞌnà mènəè maa, ndɨ̀ wu bɨ̀ bela ndzèa mènəè mbɨ̀Ꞌɨ̀ bɔbȩ la. Bɨ̀ le yaã ŋa wɨ̧ mbɨ̀Ꞌɨ̀ èbùꞋ abua kàbɔ̀ŋ, me ghɨ̌ èbɨꞋte èghɨ nè mènəè kàbɔ̀ŋ, è wu ale bɨ̀ ŋa awɨ̧ mbɨ̀Ꞌɨ̀ èbùꞋ a èlɨ mbɔŋ a màngɨa èghɨ bu àà mbɔ̀ a Mbɔ̧ɔ̧mà la, mè me tseke mbɨ̀Ꞌɨ̀ bòt Mbɔ̧ɔ̧mà e bɔ ndɨ bɔ̀ɔ me tseke la.

Lûm 6:13

Bɨ̀ ka sa èdziꞋ ènyit bɨ̧ abua kàbɔ̀ŋ, e ghɨ̀ bɨ me ghɨ èbɨꞋte èghɨ. Bɨ̀ ŋa wɨ̧ wuê abua Mbɔ̧ɔ̧mà, mbɨ̀Ꞌɨ̀ bòt bɔ dzəè a èbem èvə ntsiꞋi a èbem mèmpème la, mè ŋa mbɨ̧̀ tɨ̧ nènkèm abua Mbɔ̧ɔ̧mà mbɨ̀Ꞌɨ̀ tea me ghɨ̀ èghɨ àa mbɔ̀ la.

ÀfaꞋa 21:13

Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

Jɔ̌n 21:19

(Yesò nàà ndàꞋà anè ale, ngua shua èwuu èvə Pità nàa pfə lùà enɨ nyɨꞋte ènɨ̧ Mbɔ̧ɔ̧mà la.) Yesò ghɨ̀ ale, mbɔ̂ shu abua tò nê, “Kùŋe am.”

ÀfaꞋa 4:31

ÀfɨꞋa bɔ tsàꞋte a Mbɔ̧ɔ̧mà tè ndɔ̀Ꞌ la, àdziꞋa mbɔŋ a nyìꞋnè, Fo Kèfə kɨꞋɨ nyi a mèntɨ̧ɨ̧ mɔb, bɔ bùꞋ mè làꞋa èngǎ̧ Mbɔ̧ɔ̧mà kà bɔ̀â.

2 Kɔlìn 3:12

Ndɨ̀ wu ba ko ayaa la, ba tsiꞋa ndàꞋà èngǎ̧ Mbɔ̧ɔ̧mà kà bɔ̀a.

2 Kɔlìn 7:4

Mâ bɔ èntɨ̧ɨ̧ ane yɨ̧. Maà ndâ ngàꞋta am ambo yɨ̧. Bɨa ndzìà èntɨ̧ɨ̧ am, e mè ndâ me wùꞋtè am ka wuê a èbem ngoꞋ tu tègème bàa ndzea la.

Swiv nou:

Lyen patwone

Piblisite

Piblisite