Fȩlemùn 1:7 - Mundani

⁷ Wanɔ̧, èkɔŋ wu à bɔŋ ane bòt Mbɔ̧ɔ̧mà la e taꞋa lɔ̀kte èntɨ̧ɨ̧ am, mè ngɨ̀ e ntaꞋa bɔ mèngùꞋte, nkàà nê à ghɨ mèntɨ̧ɨ̧ bòt Mbɔ̧ɔ̧mà me bɔ̌.

Fȩlemùn 1:7 Referans Kwoze

2 Kɔlìn 7:13

Ale, àyaa a zì mèntɨ̧ɨ̧ ma. È ntsě wuê ndàꞋà àyaa a li ndzì mèntɨ̧ɨ̧ ma la. Ba li mpàa ngùꞋtà wa nê bɨ li ngɨ̀ Tȩtɔ̀s me wùꞋtè àvi, nkàà nê bɨ̀agème e li ngɨ̀ èntɨ̧ɨ̧ tò e nɔ̀ŋke a èbèm ntsɔ̧̀.

1 Tèsàlonikà 3:9

BetsiꞋa ba ŋa mènkɔ̀ŋke abua Mbɔ̧ɔ̧mà àfɨ̀Ꞌ yaa nkàà wɨ̧. Ba kɔ̀ŋka Mbɔ̧ɔ̧mà nkàà mèngùꞋte mu bɨ ghɨ̂ ba bɔ a mbì tò la.

2 Kɔlìn 7:4

Mâ bɔ èntɨ̧ɨ̧ ane yɨ̧. Maà ndâ ngàꞋta am ambo yɨ̧. Bɨa ndzìà èntɨ̧ɨ̧ am, e mè ndâ me wùꞋtè am ka wuê a èbem ngoꞋ tu tègème bàa ndzea la.

Fȩlemùn 1:20

Wanɔ̧, tɨŋe am ane èlen Tǎt wa. Ghɨa èntɨ̧ɨ̧ am è me bɔ̌ mbɨ̀Ꞌɨ̀ wanyɨ wè ane Yesò Klistò.

1 Tèsàlonikà 2:19

Ane nkûŋ, wu bɨ̀a ka bɨ ghɨ̂ ba bɔ ntɨ̀ nè mèngùꞋte mè mbɔ̀ lə bàa me ghàꞋtè àwa a mbì Yesò Lefɨ̀Ꞌ ane àlia tàa kɨꞋɨ la.

2 Jɔ̌n 1:4

Mâ taꞋa wùꞋtè am ndɨ̀ wu mâ ye nê bɔ̧ bè ko aà nkùŋà mènəè nkûŋ wuê mbɨ̀Ꞌɨ̀ Tǎt wa li shuê nê bà me ghɨ̀ la.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Kɔlìn 16:18

Bɔ zǐ èntɨ̧ɨ̧ am mbɨ̀Ꞌɨ̀ bɔ zì è wɨ̧ la. Bɨ̀ me zə ànəa èwuu bòt baa àa shua la.