Fȩlemùn 1:6 - Mundani

⁶ Maà ntsàꞋtà nê, mbɨ̀Ꞌɨ̀ àa nèètà ndàꞋà ànəa èntɨ̧ɨ̧ wu à zi ane Yesò la abua bòt la, àà nga enèète ko àghɨa ntsɔ̧̀ àgème èntɨ̧ɨ̧ wu à zi ane Yesò Klistò la, e ghɨ ba bɔŋ la.

Fȩlemùn 1:6 Referans Kwoze

2 Pità 1:8

Bɨ me ghɨ̌ èghɨ bàa ntsɔ̧̀ nɨa ngà nè mbì, ko bɨa paa eko a Yesò Klistò Lefɨ̀Ꞌ wa, èghɨ tà ghɨ ane yɨ̧ la è ka wu etsè àku.

Kɔ̀losìà 1:9

Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

Jimsì 2:17

Eyaa bê ngu wuê ndɨ wòt zìà èntɨ̧ɨ̧ vi ane Mbɔ̧ɔ̧mà, tè mbakà wua nyɨ̀Ꞌta wua ane àfàꞋ àzi, tà ko nê èntɨ̧ɨ̧ mbɔŋ wu àpfəꞋte la.

Jimsì 2:14

Bɔnyɨ bɔ̧, wòt nê ye zi èntɨ̧ɨ̧ vi ane Mbɔ̧ɔ̧mà, ka àfaꞋa tò a bakà wua nyɨ̀Ꞌta èlɨ mbɔŋ, àbȩ̀ wu ghà à? Tè betsiꞋa èntɨ̧ɨ̧ mbɔŋ e ghɨ̀ tà bɔ̀ mèmpème?

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

Tȩtɔ̀s 3:14

NyɨꞋte bòt Yesò baa nê, bɔ̀ me zì ètsə bɔb fàꞋa èfàꞋ ntsɔ̧̀, mbɨ̀Ꞌɨ̀ e me tɨŋe bòt bu bɔ̀ɔ nkɨ̀ŋkà èghɨ la. Nê, bɔ̀ ka me tseke mbɨꞋɨ̀ bòt kà ye àtsə ànəê àyɔb.

1 Kɔlìn 14:25

e ghɨ̌ bɔɔ ko ènəê ndò̧ tò bu a èntɨ̧ɨ̧ tò la. Àyaa aa ghɨ̌ taa ŋɔꞋne a si e wùꞋte a Mbɔ̧ɔ̧mà, e shu laꞋnê ane nkûŋ Mbɔ̧ɔ̧mà wu ayɔɔ yɨ̧.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 3:1

Bɨ̀a wu bɨ̀ wu bèzi nè bèlu̧ la, bɨ̀ me zə bèlu̧ bɨ̧. Bɨ̀ me ghɨ̀ ale, mbɨ̀Ꞌɨ̀ wòt wu ane yɔb kà bɨ̧ɨ̧ne èngǎ̧ Mbɔ̧ɔ̧mà, tà ye mènəè ntsɔ̧̀ mu bɨ̀a ngɨ̀à la ndzì èntɨ̧ɨ̧ vi ane Mbɔ̧ɔ̧mà. Bɨ bakà lem mbɔ̌ ndɨ bɨ̀a làꞋa èngà̧ ka wòt naa kubte la.

Filìpȩ 4:8

Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

1 Kɔlìn 16:9

nkàà nê, èlu̧ e lâ ngàꞋa abua am maa ghɨ àfaꞋa ntsɔ̧̀, ka bɔmbù̧ e bɔ̂ me yaãaã.

Kɔ̀losìà 3:10

Bɨ tsiꞋi bòt fi. Mbɔ̧ɔ̧mà wu tà ghɨ̀ àwɨ̧ ale la nàà ntsèka àfɨ̀Ꞌ àgème ngɨ̀à a èlɨ bɨ̀a tsiꞋi mbɨꞋɨ̀ zìambɔŋ, mbɨ̀Ꞌɨ̀ eko avi te paa la.

Matìù 25:16

WafàꞋ wu bɔ yaã ŋà bètɔsì batà̧â̧ abua tò la, ghà ndzì ane èwen, bètɔsì batà̧â̧ e mè nyî a ègwet.