Fȩlemùn 1:19 - Mundani

¹⁹ Mmɔ̌ Pɔ̂l ka mâ nɨ àbu am mmɔ̌ mbɔŋ nɨŋ shɨ àdziꞋ yaa la nê, “Maa tsə.” E ndàꞋà anè ngu nê e mbakà tsi mbɔ̌ ndɨ màa mèe ku̧u̧te awê nê, è kà wu mmɔ̌ ko ka wuê àwɔ̀ mbɔŋ à te ntsě la.

Fȩlemùn 1:19 Referans Kwoze

Gàlashìà 6:11

Bɨ̀ ye mèngà̧ maa nàa fàŋka la, mâ nɨ àbu am mmɔ̌ mbɔŋ shɨŋ la.

Gàlashìà 5:2

Bɨ̀ zə, mmɔ̌ Pɔ̂l, mâ shua wɨ̧ nê, bɨ wua anè mbɨ̧ɨ̧nà nê bɔ̀ naŋe awɨ̧, ko aa nyɨꞋte nê Yesò Klistò ntsě àghɨa ko abua yɨ̧.

1 Kɔlìn 4:15

Bòt bɔ̀ɔ nyɨ̀Ꞌta wɨ̧ mènəè Yesò Klistò la e batè ntaꞋa wu, ka bɨ̀ ka bɔ bètǎt nyaŋ. Wu mmɔ̌ e ndi ngu mbɨ̀Ꞌɨ̀ tǎt wɨ̧ a màntsɔta Ntu̧ Ntsɔ̧̀ abua yɨ̧, ka naa ghɨ̌ bɨa zì mèntɨ̧ɨ̧ mɨ̧ ane Yesò Klistò la.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

1 Tɔ̀màtià 1:2

Abua Tɔ̀màtià, ngule waã am ane Yesò. Maà shù̧ù̧ta nê Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa è me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

2 Kɔlìn 3:2

Bɨ wu àkata ya ba bɔ a èntɨ̧ɨ̧ wa betsiꞋa waa waa tɔ è nko àghɨ bà wu yùà la.

Lûm 16:22

Mmɔ̌ Tetiùs wu mâ shɨ letà waa abua Pɔ̂l la, maà ntsàꞋtà àwɨ̧ mbɨ̀Ꞌɨ̀ wanyɨ wɨ̧ ane Mbɔ̧ɔ̧mà.

2 Kɔlìn 9:4

Bɨ bakà ghɨ anè e me kɨꞋɨ bòt Màsèdonìà ko e kɨꞋɨ ba tò ba me ye bɨ bakà taŋke tê e lɔ̀Ꞌɔ ko bɨa ghɨ̌ baa bɔ àtsəa kɔꞋɔ, nkàà nê ba li ndzaŋe shu nê bɨa ghɨ̌. Mâ mɨ̀ɨ̀tè nê àyea mbɔŋ aa ghɨ̌ bɨa bɔ àtsəa kɔꞋɔ mɨ̧̂.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

Fȩlemùn 1:18

È wu nê tà fǎ̧ ànəê abua yê, kò mbɔ̌ njû yè leꞋ, à zi ane èlen laã ko maa tsə.