Fȩlemùn 1:13 - Mundani

¹³ È wu nè nà̧ ko mâ kɔ̀ŋkè nê tà tseke ba tò àdziꞋ yaa e ngu a tèfȩ ane ànəa Ntu̧ Ntsɔ̧̀ la, me tɨŋe am mbɨ̀Ꞌɨ̀ àwɔ̀ mbɔŋ à wu etɨŋe la.

Fȩlemùn 1:13 Referans Kwoze

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

1 Kɔlìn 16:17

A taꞋa bɔ̌ am nê, Stefanàs bɔ̂ Fɔ̀tùnatùs nè Àkekùs e kɨꞋɨ̀ nkàà nê bɔ nɨ àdziꞋa yɨ̧ ndɨ̀ wu bɨ ntsě a si la.

Fȩlemùn 1:1

Letà Pɔ̂l, wòt tèfȩ ane ànəa Yesò Klistò, bɔ̂ Tɔ̀màtià wanyɨ wa, Abua Fȩlemùn ngule shu̧ ya ba tò àa fàꞋà nɔ̂ la.

Filìpȩ 2:30

nkàà nê tà li ndaa epfə ane àghɨa tà li ngua ngɨ̀à ane yaã ane èlen Yesò Klistò la. Tà li ngua ngɨ̀à ale mbɨ̀Ꞌɨ̀ eŋa am ètɨŋe wu bɨ̀ambɔŋ e li ngu eŋa ka bɨ̀ ka wu a si ŋaa la.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Fȩlemùn 1:10

E ngua shù̧ù̧te awê ane ànəa waã am Ònesìmùs wu mâ tsiꞋi tǎt tò ane Yesò mbɨ̀Ꞌɨ̀ e ngu a tèfȩ anè la.

Fȩlemùn 1:12

E ngua anè mvəèà tò wu tà tsiꞋi kwàꞋ èntɨ̧ɨ̧ am la abua yê.