Bib sou entènèt

Ètsə 9:21 - Mundani

²¹ Bɔ li bɔ̀ ka meè nkùbte mèntɨ̧ɨ̧ mɔb a màmbuŋa bòt, nè mànduta tèkaŋ, nè màmpaꞋta àbɨ̧, ndɔ̀Ꞌ nè màntsɔ.

Gade chapit la Kopi

tounen moute ⬆

Ètsə 9:21
24 Referans Kwoze

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

Ètsə 17:5

Bɔ shɨ èlen a èsi tò e bɔ lə ndò̧ la nê, “TaꞋà àpfəèà nɨ̧ a Babilɔ̀n, nyɨ̌ bèghȩ̀ȩ̀nè ghȩȩne, nè èbɨꞋte èghɨ ègème àa ngɔ̀ŋ la.”

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

Ètsə 17:2

Bèfɔ̧̀ sitsǎꞋ e paꞋte atò, bòt bàgème a sitsǎꞋ e mè mbe mèlùꞋ àbɨ̧ atò yu tàa mpàꞋta la.”

Ètsə 18:3

Tà ŋa mèlùꞋ àfàꞋa mànjɨa àbȩ, tè bòt sitsǎꞋ e nu mbe, bèfɔ̧̀ sitsǎꞋ e mè mpàꞋte atò. Bòt tèwen e mè ntsìꞋi bòt èkab nkàà èghɨ bu tàa nəèꞋa vi a èbèm la.”

Ètsə 16:6

Bòt baa e li mbùŋè bòt bê nè bèndàꞋàtɔŋ bê, à ŋa àlo̧ bɔ nu. Bɔ wua ndzèa ngoꞋ è kùꞋu ane àfàꞋ àyɔb la.”

Ètsə 14:8

Wantu̧ Mbɔ̧ɔ̧mà kǒ, è kùŋe we mbì wu la nê, “A kwen ɔɔ̀. Àpfəèa nɨ̧ yu bɔɔ ntɔ ane Babilɔ̀n la a kwen. Àpfəèa mbɔŋ a ghɨ̂ èlaꞋ ègème e nu mèlùꞋ kèkweelè àbɨ̧ tò yu tàa mpàꞋtâ la.”

Gàlashìà 5:20

mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

Ètsə 19:2

Tà wu wòt nkûŋ, mè me saꞋa mènəè wuê ndɨŋndɨ̀ŋ. Tà saꞋa àghɨꞋna ghȩ̀ȩ̀nè ghȩȩne wu ane àbɨ̧ tà nɨŋ ndiꞋi ngɔ̀ŋ la. Mbɔ̧ɔ̧mà nɔ̀ŋe ngoꞋ àtsə atò nkàà àlo̧ bɔfàꞋ bi bu tà ghɨ̀ a chɨ̧ɨ̧te a si la.”

Ètsə 13:15

Bɔ sà nyà̧mɔ̀Ꞌ kwèn yu tà yèènè fo mèmpème ane wamâlem wu bɔ̀ɔ nɨa ngùꞋtà nyà̧mɔ̀Ꞌ mbì yu la, mbɨ̀Ꞌɨ̀ ghɨ̌ tàa me làꞋa, e mě ghɨ̌ tàa bùŋe bòt bɔ tu̧u̧ wùꞋte atò la.

Ètsə 13:13

Nyà̧mɔ̀Ꞌ kwèn yaa li ngɨ̀ mènəè ngɨŋa kwàꞋ ànyaꞋne, ngɨ̀ èwet e lɔ̀Ꞌɔ a ègwet nchu a sitsǎꞋ tè bòt e ye.

Ètsə 13:7

Bɔ mè sa atò nê tà màꞋà èbet adù̧ bòt Mbɔ̧ɔ̧mà nù àwɔb ntsè. Mè ŋa atò mètàŋ nê tà me baãaã èndà̧ ègème, nè èlaꞋ ègème, nè bòt bɔ̀ɔ ndàꞋà ndɨ̧ tègème la.

Ètsə 9:20

ÀbəꞋa bɔbȩ ngoꞋte kekweelè tàa te li tè ka buŋè àwɔb la, a li ntu̧ kubte. Bɔ li mbèla nkùkta wuê fote kàbɔ̀ŋ, nè bènàmbəa bɔ ghɨ ane goêl nè silbà nè àti mè nè èyɨt, è wu èghɨ àa ka ye èdziꞋ, è ka wua ndzəa èdziꞋ, è ka meè ngua ngȩ̀ȩ̀nà la.

Ètsə 17:4

Àvi mbɔŋ kwaãaã ndìte membaŋ tèa mbɔ̀ la, mè nɨ èghɨ nyànga nɨŋ ngwèè àvi. Mbèà ndɔŋ bɔ ghɨ ane goêl la àbu azi. Ndɔŋ mbɔŋ lu̧u̧ nê èbɨꞋte èghɨ e dzəê ane àbɨ̧ yu tàa mpàꞋta la.

Swiv nou:

Lyen patwone

Piblisite

Piblisite