Ètsə 7:14 - Mundani

¹⁴ E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.

Ètsə 7:14 Referans Kwoze

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.

Ebùlù 13:12

Yesò li ndzě ngoꞋ nàbȩ̂ mɨ̧̂, a èlɨ mbɔŋ, mpfə mbɨ̀Ꞌɨ̀ enɨ àlo̧ azi e ghɨ̌ bɔɔ tsiꞋi mbɨ̀Ꞌɨ̀ zìa.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

1 Pità 1:19

È li ngu àlo̧ a Yesò Klistò yu a tse àghɨ àgème la. Ale, Yesò wu mbɨ̀Ꞌɨ̀ wanjɨ̀ kà ye àlɔꞋ bɔ li nkɨ̧̀ɨ̧̀me àtsəa bòt la.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.

Matìù 24:21

nkàà nê ngoꞋ kèkweelè naa li wu àfɨꞋa mbɔŋ. Èwuu ngoꞋ mbɔŋ wu ye kà bɔ li tè mè ye mbɨ̀Ꞌɨ̀ ngɔ̀ŋ li mbùꞋ ekɨꞋɨ dzəâ àfɨ̀Ꞌ yaa la. Bòt è ka meè ngu li eye yùà ka ngɔ̀ŋ naa lìa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Ètsə 15:2

E ndze àghɨa ko a nɔ̀ŋkè mbɨ̀Ꞌɨ̀ taꞋà èlemè, me fəəte mbɨ̀Ꞌɨ̀ àlùgɨ̀lâ la, nè èwet adù̧. Bòt bu bɔ nuê nyà̧mɔ̀Ꞌ yu bɔ̂ wamâlem tò wu tè ntsè, mè ntu̧u̧ enɨ nɔmbà èlen tò lu la, e tɨ̧ɨ̧tè a ngèt èdzî wu aa fəèəèta mbɨ̀Ꞌɨ̀ àlùgɨ̀lâ la. Bɔ li mbèà bèlèkɨŋ àbu bɔb Mbɔ̧ɔ̧mà ŋa la.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.

Ntu̧ Ntsɔ̧̀ MAK 13:19

Bɨ̀ ko nê ngoꞋ tu ane èli mbɔŋ la tea li bɨɨ te tsè ète ngɔ̀ŋ yaa li me ye ebùꞋa te àfɨꞋa Mbɔ̧ɔ̧mà li ngɨ̀ yùà la, ekɨꞋɨ wu àfɨ̀Ꞌ yaa. Àghɨ ko à ka wu e li mě wu mbɨ̀Ꞌɨ̀ àyùà.

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.