Ètsə 5:5 - Mundani

⁵ AfɨꞋa mbɔŋ wajûŋ kǒ ayɔɔ bɔɔjuŋ bu èghem yebe ntsɔ̀b bakwì la è shu abua am nê, “Ka tsi ndɨ̀. Ye, wòt wu bɔ̀ɔ ntɔ atò ane sambàŋ àlaꞋ a Judà la wu àdziꞋ yaa. Tà wu èntaãaã e tu àndǎ̧ fɔ̧̀ Dàbid la. Tà nù tê ntsè àghɨ àgème. Ta kuꞋ wê tàa tsi àmènà yu a èdziꞋ besà̧à̧mbe ane àkatè yu la, e tɔ àghɨa àa èbèm la.”

Ètsə 5:5 Referans Kwoze

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ebùlù 7:14

Waa waa lâ nko nê, Lefɨ̀Ꞌ wa li ndzə a èbem àndǎ̧ Judà, è wu àndǎ̧ Musì li me làꞋa ànəa bèntsìà mèpɨ̧̀ Mbɔ̧ɔ̧mà ale tà kà taꞋà èlen àndǎ̧ mbɔŋ la.

Lûm 15:12

Àsayà mè nê, “Wòt bɔ̀ɔ bi atò àndǎ̧ Jesì la nàa li kɨꞋɨ, wu wòt tàa li me baãaã bòt kà wu Bèjuê la. Bɔ̀ɔ lâ me chɨ̀Ꞌɨ̀ tàa ghɨ̌ bɔ̀ɔ peme.”

Lûm 1:3

Ntu̧ Ntsɔ̧̀ Mbɔ̧ɔ̧mà wua ndàꞋà ànəa Waã tò wu bɔ le mbi mbɨ̀Ꞌɨ̀ wɔ̀bȩ̂ a èbem àndǎ̧ a fɔ̧̀ Dàbid la.

Ètsə 6:1

AfɨꞋa mbɔŋ e me ye Wanjɨ̀ wu nà̧à̧nè àdziꞋa mbì ane èdziꞋi èmènà bu besà̧à̧mbe ane àkatè yu la. Tà nà̧à̧nè ale e me zə àghɨ ko ane èghɨ bu bekwì è wu yu̧ la a ŋȩ ane àtɔŋ ko mbɨ̀Ꞌɨ̀ èfâŋ nê, “KɨꞋɨ!”

Ètsə 4:4

Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.

Ètsə 7:13

Wajûŋ kǒ ane bɔɔjuŋ bu biite am nê, “À ko bòt baa bɔ kwaãaã ndìtè kèfə la à? Bòt mbɔŋ è dzəa neŋàà?”

Ètsə 4:10

bɔɔjuŋ bu èghem yebe ntsɔ̀b bakwì la e bɔ̀te a si a mbì wòt wu tà tseke a ègwet àtɨ̧a kèfɔ̧̀ yu la, me dèbè èbu ngùꞋtà tò wu tà wu ane àlia nè àlia la. Bɔ li ntsì ntaãaãte kèfɔ̧̀ tɔb nɔ̀ŋè a mbì wòt wu a ègwet àtɨ̧a kèfɔ̧̀ yu la, me kɔ̧ mèkù̧ shua nê,

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

Jɔ̌n 20:13

Bɔntu̧ Mbɔ̧ɔ̧mà bu e biite atò nê, “À dɨa gha a mè?” Tà shu abua yɔb nê, “E ndɨ̀à nê, bɔ tsì àpfəꞋte Lefɨ̀Ꞌ am ka è nka ko àdziꞋa bɔ nɔ̀ŋe yùà la.”

Lûk 7:13

Mbɨ̀Ꞌɨ̀ Yesò ye atò la, tèsȩte nempfə wu te ku atò. Tà shu abua tò nê, “Ka tsi ndɨ̀.”

Lûk 23:28

Yesò ghèble avi shu abua yɔb nê, “Bèzi Jèlusalèm, bɨ̀ ka tsi ndɨ̀ ambo yaã, bɨ̀ tsiꞋi me dɨ̀ wuê ambo yɨ̧ nè bɔ̧ bɨ̧.

Lûk 8:52

Wòt ègème li ngua sààlà ndɨ̀à ka Yesò shu abua yɔb nê, “Bɨ̀ ka tsi ndɨ̀, tà bakà pfə, tà lìa li.”

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

Ètsə 5:4

Àyaa a li ngɨ̀ e ndɨ̀ kwàꞋ ànyaꞋne, nkàà ndɨ è mbaka ye wòt tà kùꞋa màngaꞋa àkatè yu e tɔ àghɨa àa èbèm la.