Biblia Todo Logo
Bib sou entènèt

- Piblisite -




Ètsə 3:7 - Mundani

7 “ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.

Gade chapit la Kopi




Ètsə 3:7
38 Referans Kwoze  

Maa ŋa nkȩte kèfɔ̧̀ Mbɔ̧ɔ̧mà abua yê. À tsia ànəê a sitsǎꞋ, ko bɔɔ tsia ayùà a ègwet, ntsɔꞋɔ ànəê a sitsǎꞋ, ko bɔɔ tsɔ̀Ꞌɔ ayùà a ègwet mɨ̧̂.”


mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.


Bɔ me ŋȩ kwàꞋ ànyaꞋne shua nê, “Àwɔ̀ Tǎt wa Mbɔ̧ɔ̧mà Àtsèàngɔ̀ŋ, àa tsa ane àghɨ àgème, nkûŋ mè me dzə wuê abua ye. Bàa tseke tê eghǎ ewua ka àfɨꞋa, ka àa saꞋa bòt bu bɔ li mbùŋè awa a sitsǎꞋ la, e zi awɔb a èbem ngoꞋ à?”


Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.


Taa li wu wòt nɨ̧, bɔɔ me tɔ atò nê Waã Mbɔ̧ɔ̧mà Àtsèàngɔ̀ŋ. Mbɔ̧ɔ̧mà Lefɨ̀Ꞌ naa li ŋa atɨ̧ kèfɔ̧̀ tǎt nyaꞋ tò Dàbid abua tò.


“Yesò wòt Nazàlet, à kɨa ghà abua ya à? À kɨ̀Ꞌa a si ŋaa eliime awa à? Mâ ko wòt à wu wùà la. À wu ngule wantu̧ Mbɔ̧ɔ̧mà.”


Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.


ÀfɨꞋa mbɔŋ e me ye ègwet e ghaꞋà, e me ye ndzèa loà kèfə. Bɔ me tɔ wòt wu ta tseke a ègwet la nê wòt nkûŋ, betsiꞋa wòt lɨ̀Ꞌà àvi ane tò la. Tàà nɨ̀a nkûŋ ka sàꞋa mènəè mè nùà èbet.


“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.


Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.


Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”


Tà li ŋǎ èntɨ̧ɨ̧ vi wuê ndaꞋa abua Mbɔ̧ɔ̧mà, mè ntɨ̧ɨ̧ ndɨŋndɨ̀ŋ a mbì tò, ka bɨ tsi atò ayɔɔ tè ntsìꞋi shù̧ù̧te a Pȩlèt nê tà yàa wuê wòt tà wu lɨ̧̂ la sàŋ, mbɔ̂ ŋǎ a Yesò bɔ bùŋè.


SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.


Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.


“Eeeè! Yesò wòt Nazàlet, à kɨa ghà ane yaa? À kɨꞋɨ̀ àdzìꞋ yaa eliime awa à? Mâ ko wòt a wu wùà la. À wu ngule wantu̧ Mbɔ̧ɔ̧mà.”


Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.


Wòt wu tà tseke a gwet àtɨ̧a kèfɔ̧̀ yu la nê, “Bɨ̀ ye, maa ghɨ̌ èghɨ ègème aa tsiꞋi be fi.” Tà mè shu abua am nê, “Shɨ àghɨ yaa, nkàà nê mèngà̧ maa wu mèngǎ̧ nkûŋ, è kùꞋu me wòt nàa bɨ̧ɨ̧ne la.”


Tà wu wòt nkûŋ, mè me saꞋa mènəè wuê ndɨŋndɨ̀ŋ. Tà saꞋa àghɨꞋna ghȩ̀ȩ̀nè ghȩȩne wu ane àbɨ̧ tà nɨŋ ndiꞋi ngɔ̀ŋ la. Mbɔ̧ɔ̧mà nɔ̀ŋe ngoꞋ àtsə atò nkàà àlo̧ bɔfàꞋ bi bu tà ghɨ̀ a chɨ̧ɨ̧te a si la.”


AfɨꞋa mbɔŋ e ndzə àtɔŋ ko a dzəâ adzìꞋ yu bɔ̀ɔ ntò̧à banyà̧ adù̧ ŋa abua Mbɔ̧ɔ̧mà la a nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, A wu wòt nkûŋ mè me saꞋa mènəè mê wuê ndɨŋndɨ̀ŋ!”


Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”


“Shɨa àkatè abua wantu̧ Mbɔ̧ɔ̧mà wu tàa ndȩ̀a chɔsì wu a Efesɔ̀s la nê, ‘Mèngà̧ maa è dzəa abua wòt wu tà bèa těnto̧ tu tesà̧à̧mbe àbualu̧ azi, mè me ghȩ̀ȩ̀nè a kètsìà èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la.


Swiv nou:

Piblisite


Piblisite