Biblia Todo Logo
Bib sou entènèt

- Piblisite -




Ètsə 3:4 - Mundani

4 “ ‘Ka bɔlɨ bòt ko e bele ayɔɔ yɨ̧ a Sadìs və kà dɔte ndǐ tɔb. Bòt ngaa aa li kwaã ndìte kèfə e wu ba tò ba, nkàà nê bɔ kuꞋ.

Gade chapit la Kopi




Ètsə 3:4
31 Referans Kwoze  

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.


Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.


Bɔ mè ŋǎ èmà̧ kèfə abua wòt ègème ane yɔb. Bɔ ŋa ale mbɔ̂ shu abua yɔb nê bɔ̀ mě ntsèke ane àfɨ̀Ꞌ àko, tè kèmpà̧ bɔnyɨ bɔb bu bɔ̀ wu bɔfàꞋ Mbɔ̧ɔ̧mà mɨ̧̂ la ghɨa nkùꞋ. Eyaa wu bòt bɔ li mbɔ ndɨ bɔ̀ɔ bùŋe mbɨ̀Ꞌɨ̀ bɔ li mbùŋè èbaa nè bòt la.


Bèshujà ègwet e kwaãaã ndìte kèfə tèa mbɔ̀ la, nkɔ̀Ꞌa ègwet bèloà kèfə me kùŋe atò.


Ètɨ̧ kèfɔ̧̀ ko èghem yebe ntsɔ̀b bekwì e ghaalè àtɨ̧a mbɔŋ. Bɔɔjuŋ ko èghem yebe ntsɔ̀b bekwì e tseke a ègwet ètɨ̧ bu, nkwaãaã ndìte kèfə, mè nkaãaã ntà̧ kèfɔ̧̀ bɔ nɨa goêl ngɨ̀ la.


Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.


Mbɔ̧ɔ̧mà ŋa ndìte ntsɔ̧̀ tèa fəèəèta mbɔ̀ la abua tò taa kwaãaã.” Ndìte ntsɔ̧̀ mbɔŋ wu mènəè ntsɔ̧̀ mu bòt Mbɔ̧ɔ̧mà e ghɨ̀ la.


È me wu e bu ntsìꞋa nga enyi a èwet la, bɨ səè àwɔb ntsì mbɨ̀Ꞌɨ̀ bɔɔ peme. Èbeko nè bòt aa və bɨ bɔ ndɨ bɨ̀a me tɨŋe awɔb la, ka bɨ me ghɨ̌, bɨ me baabe awɨ̧ mbɨ̀Ꞌɨ̀ ka mèntsèke kàbɔ̀ŋ mɔb zì mèkɔb ane yɨ̧.


Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”


Ale, bɔ nyi a èbèm ndze wakèsà kǒ tà kwaã ndǐ kèfə ntsèke àbâ àbualu̧ la, ntàꞋa bɔa.


Ka mbâ̧ tu nè bèzi bu bɔ kùꞋu be bɔ̀ɔ li lɔ̀Ꞌɔ eyu̧u̧me e tseke àfɨ̀Ꞌ yu nga ekɨꞋɨ la, è ka li lɔ̀Ꞌɔ tsi yɔꞋɔ a.


“Bɨ ghɨ̀ bɨ̀ gha a èpfəè ènɨ̧, kò èbe techɨɨle leꞋ, bɨ kɨ ngule wòt tà kɔ̀ŋkè esèe àwɨ̧ la, ntsèke bɨ tò ba, te àlia bɨa me ghà la a kùꞋ.


Si bentè ànyaꞋne kwàꞋ àfɨꞋa mbɔŋ, àbâ yeamɔꞋ ane àpfəèà nɨ̧ yu bɔ ghabte ane èdziꞋ èghem la a kwèà. SitsǎꞋ kwèà ale, bòt bètɔsì basà̧à̧mbe be pfəꞋtè. È bu nè bòt kà pfəèꞋte la e bɔɔ kwàꞋ ànyaꞋne tè nkùkte a Mbɔ̧ɔ̧mà wu a ègwet la ane ènɨ̧ tò.


NgoꞋ yaa bɨ yea nyaŋ la bê nyɨ̀Ꞌta ndɨ Mbɔ̧ɔ̧mà nàa saꞋa bòt wuê mbɨ̀Ꞌɨ̀ bɔ bɔ ndɨ bɔ̀ɔ saꞋa wɔb la. Ale, bɨa li ekùꞋù èbe bɨa li ewu ne Mbɔ̧ɔ̧mà a kèfɔ̧̀ tò la, nkàà ngoꞋ tu te ye awɨ̧ la.


Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,


Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”


Bòt baa wu bòt bu bɔ nɔ̀ŋè ènyit yɔb ntsɔ̧̀, bɔ̀ ka li mè paꞋte àvi la. Bɔ li ngua nkùŋà Wanjɨ̀ wu àdziꞋ àgème tàa ngà la. Eyaa wu bòt bɔ làà àwɔb nchùꞋù ètsə bɔb ayɔɔ bɔbȩ, mbɨ̀Ꞌɨ̀ èghɨ mbì bɔ fuꞋu ŋa abua Mbɔ̧ɔ̧mà bɔ̂ Wanjɨ̀ wu e nɨ nyɨꞋte nê èbu bɔ̀ bele ka fùꞋù la e wu abua tò la.


Swiv nou:

Piblisite


Piblisite