Ètsə 3:3 - Mundani

³ Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.

Ètsə 3:3 Referans Kwoze

Ètsə 2:5

È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

1 Tèsàlonikà 5:2

Bɨ̀a mbɔŋ e neetè nko nê, Tǎt wa Yesò naa li kɨꞋɨ ka bòt e koê, mbɨ̀Ꞌɨ̀ tsɔŋ nàa ngɨ̀ tà kɨꞋɨ ètsəꞋ kà bòt e koê la.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Matìù 25:13

“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

Ntu̧ Ntsɔ̧̀ MAK 13:36

Tà màà nkɨ̀Ꞌa wuê àfɨꞋa ŋa leꞋ, tà ka nkwene ane yê ndìa la.

Ntu̧ Ntsɔ̧̀ MAK 13:33

Bɨ̀ me ko awɨ̧, mè me lȩ̂ ntsɔ̧̀, nkàà nê bɨ bakà ko àfɨꞋa mbɔŋ.

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.

2 Pità 3:1

Bèshu̧ bɔ̧, eyaa wu ngò̧ tebe e shɨa àkatè abua yɨ̧. E shɨa èkatè mbɔŋ enɨ ku̧u̧te awɨ̧ mènəè mu bɨ ko tê ndɔ̀Ꞌ la, mbɨ̀Ꞌɨ̀ elɔ̀ktè mèntɨ̧ɨ̧ mɨ̧ bɨa bɔ mèmɨ̀ɨ̀te ntsɔ̧̀.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

Ètsə 2:25

Ka bɨ baãaã èghɨ bu bɨ ko tê ndɔ̀Ꞌ la ntsɔ̧̀, tè è ngɨa nkɨ̀Ꞌɨ̂.

2 Pità 1:13

Mâ mɨɨtè nê aa mbɔ̀ nê è ndɔ̀ktè mèntɨ̧ɨ̧ mɨ̧ nɨŋ nkù̧ù̧te awɨ̧ mbɨ̀Ꞌɨ̀ è mbele yû̧ a nkem yaã la.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

Ètsə 3:2

Bɨ̀ lɔ̀ka wɨ̧, mbɨ̀Ꞌɨ̀ adziꞋi fo wu a èbem lɨ̧ la paa mì bɨ paà mpfə, nkàà nê mâ ye nê mènəè mɨ̧ bakà kùꞋ a mbì Mbɔ̧ɔ̧mà.

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”