Ètsə 22:20 - Mundani

²⁰ Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.

Ètsə 22:20 Referans Kwoze

Ètsə 22:7

Yesò nê, “Bɨ̀ zə, e mbele yàŋe kɨꞋɨ. Ntsɔ̧̀ wu wòt wu tàa nɔ̀ŋà èghɨ bu bɔ li shu bɔ shɨ a èbem àkatè yaa la.”

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Ètsə 22:12

Yesò nê, “Bɨ̀ zə, e mbele yàŋe kɨꞋɨ nè àbȩ̀, e tsɔꞋɔ àfàꞋa wòt ègème ane àghɨa tà ghɨ̀ la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

1 Kɔlìn 16:22

Wòt bakà wua nkɔ̀ŋkà Lefɨ̀Ꞌ, ndɔ̀ nɔ̀ŋke àtsəa tò. Lefɨ̀Ꞌ wa, kɨꞋɨ!

Ètsə 22:10

Tà mè shu abua am nê, “À ka ndò̧ mèngà̧ mu bɔ li shu bɔ shɨ a èbem àkatè yaa la, nkàà nê àfɨꞋa èghɨ mbɔŋ àa ghɨ̀ la a tsiꞋa nkùꞋà.

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.

Ètsə 22:18

Maà səèŋkà àtû̧ a waa waa tà zə mèngà̧ maa bɔ li shu bɔ shɨ a èbem àkatè yaa, la nê, wòt kwèꞋnà àghɨ adù̧, ko Mbɔ̧ɔ̧mà nàa kwèꞋne ngoꞋ tu tègème bɔ shɨ a èbem àkatè yaa la adù̧ ngoꞋte tò.

Jɔ̌n 21:25

Mbɔ̂ èghɨ ko tsa e taꞋa wu Yesò li ngɨ̀ la. Mâ ye nê bɔ li ngɨ̀ ale shɨ bùà ègème, ko betsiꞋa ngɔ̀ŋ yaa kà bɔ àdziꞋa nàa nɔ̀ŋè èkatè ngaa la.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ebùlù 10:37

Àkata Mbɔ̧ɔ̧mà a laꞋnê, “AdzìꞋ naa me wù̧ù̧ne, wòt wu nga ekɨꞋɨ la naa kɨꞋɨ, tà ka tsòke àfɨ̀Ꞌ a.

Ètsə 2:16

Bɨ̀ kubte mènəè kàbɔ̀ŋ mɨ̧, na bɨ bakà kùbte, ko màa kɨꞋɨ ne nyi ebà bebe yu nàà dzə àtsə am la enû bòt nga la.