Ètsə 22:11 - Mundani

¹¹ Waa waa tàa ngɨa kàbɔ̀ŋ la, me ghɨ̀à ngà wuê nè mbì, we tàa ngɨ̀à èbɨꞋte ènəê la, me ghɨ̀à ngà wuê nè mbì. Wòt tàa ngɨ̀à mènəè ntsɔ̧̀ la, me ghɨ̀à ngà wuê nè mbì. Wòt tà wu wòt Mbɔ̧ɔ̧mà la, mě me ŋa avi wuê abua Mbɔ̧ɔ̧mà.”

Ètsə 22:11 Referans Kwoze

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

Matìù 15:14

È wu ale, bɨ sà wɔb a si, bɔ wu bòt àghɨ àleme nkɨ enyɨꞋte beko èlu̧ la. Wòt àghɨ àleme baãaã àbu wòt àghɨ àleme ko bɔ̀ɔgème aa chɨ̧ɨ̧ a èbem èbɨ.”

Matìù 5:6

Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Matìù 25:10

“Bɔ me ghà ale, lu̧ ndzà yu kɨꞋɨ, è bu be yaã ntàŋke tè ndɔ̀Ꞌ la e nyi a lob a èpǎ̧ ndzɔꞋa yu bɔ̂ tò ba, ngèbà ètsələèꞋ.

Efesɔ̀s 5:27

Tà li ngɨ̀ anè mbɨ̀Ꞌɨ̀ enɨ a chɔsì waa ane ndzà zi è ghe nàa mbɔ̀ la, kà ye a kàbɔ̀ŋ adù̧, àghɨ à ka wuê betsiꞋa bɔ fèèle atò adù̧ la. Bɔɔ mbɨ̀Ꞌɨ̀ wòt kà ye àlɔꞋ ane zi, kà ye ka wuê adziꞋi kàbɔ̀ŋ ane zi nè àghɨa ko tsa betsiꞋa a tsòkè wòt la.

Matìù 21:19

Tà ye àyɨt a fik a ngèt alu̧, nga a mbɨ̧̀ tà kà ye àghɨ a ègwet, tà ye wuê tèfəꞋtsə. Ale, tà tsɔ̧̀ àyɨt ngaa nê “À ka lɔ̀Ꞌ àlia tsi kɔɔle tetaãtsə a.” A bê ntɨ̧ kwàꞋ àfɨꞋa mbɔŋ mpfə.

Jɔ̌n 8:21

Yesò mè shu abua yɔb nê, “Maa gha am, bɨa me kɨ am, ka mbɔ̂ ngu li pfə wuê nè mènəè kàbɔ̀ŋ mɨ̧, nkàà nê betsiꞋa bɨ̀ ka kɨꞋɨ̀ àdziꞋa e ngà la.”

Ètsə 16:21

TaꞋà èwèt ko e chu nkwènte ègwet bɔbȩ. Kèmbèm èwèt kemɔꞋ ke me lèlè mbɨ̀Ꞌɨ̀ mbe sìmen. NgoꞋ mbɔŋ li mbê nge tê bòt e tsiꞋa ntsàà tèntsɔ̧̀ɔ̧̀mètsə adù̧ Mbɔ̧ɔ̧mà.

Ètsə 22:3

Àghɨa ko ndɔ̀ Mbɔ̧ɔ̧mà nɔ̀ŋke a ègwet la, à ka wu ewu a èbem àpfəèà nɨ̧ a mbɔŋ. Àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu aa wu abot, bɔfàꞋ tò e mè ngu me wùꞋte atò abot.

Kɔ̀losìà 1:22

Ka àfɨ̀Ꞌ yaa Waã tò kɨꞋɨ ntsìꞋi wɔ̀bȩ̂ mpfə la, Mbɔ̧ɔ̧mà nɨ èvə Waã vi mbɔŋ ngɨ̀ bɨ tsiꞋi bèshu̧ tò, mbɨ̀Ꞌɨ̀ taa nɨ awɨ̧ enɨ kɨꞋɨ a mbì li mbɨ̀Ꞌɨ̀ ngule bòt bi, kà ye àlɔꞋ nè àghɨa ko bɔ̀ɔ fèèlè àwɨ̧ adù̧ la.

Matìù 5:45

Bɨ̀ ghɨ̀ ale, mbɨ̀Ꞌɨ̀ ewu bɔ̧ tǎt wɨ̧ a ègwet. Tàà ngɨ̀à nyèm tea a ègwet bòt kàbɔ̀ŋ nè èbe ntsɔ̧̀, mè ntsàà mbɨ̀ŋ è lua a ègwet bòt mènəè ntsɔ̧̀ nè bòt mènəè kàbɔ̀ŋ.