Ètsə 21:7 - Mundani

⁷ Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 21:7 Referans Kwoze

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.

Ètsə 2:11

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàà shu abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko tà ka tsi li epfə èvə kwèn lu bòt ko àa li pfə lùà la.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Matìù 19:29

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

Ètsə 2:25

Ka bɨ baãaã èghɨ bu bɨ ko tê ndɔ̀Ꞌ la ntsɔ̧̀, tè è ngɨa nkɨ̀Ꞌɨ̂.

Ntu̧ Ntsɔ̧̀ MAK 10:17

Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Lûm 8:14

Bòt bu bàgème bɔ̀ɔ ngɨ̀à mbɨ̀Ꞌɨ̀ Fo Mbɔ̧ɔ̧mà nàa shua la wu bɔ̧ Mbɔ̧ɔ̧mà.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”