Ètsə 21:4 - Mundani

⁴ Tàa yòò mèsi ègème àghɨ ayɔb, èvə è ka wu li tsi wu, wòt kà wu li tsi edɨ̌ ko me shùù mèsi leꞋ, àdziꞋa wòt à kà wu li tsi saa, nkàà nê èghɨ nyaꞋ e tsě ègème.”

Ètsə 21:4 Referans Kwoze

Ètsə 7:17

Aa li wu ale nkàà nê, Wanjɨ̀ wu a kètsìà àtɨ̧a kèfɔ̧̀ yu la, naa li wu mbààba awɔb, e me nɨa awɔb ngà a badzì mèleb nàa ŋa mèmpème la. Mbɔ̧ɔ̧mà mè ngu li yòò mèsi ègème àghɨ ayɔb.”

1 Kɔlìn 15:26

Wɔ̀mbù̧ kwèn tàa ghɨ̀ tê bɔɔ baka tsi ndzə ànəa tò la wu èvə.

1 Jɔ̌n 2:17

Bɨ̀ ko nê, sitsǎꞋ yàa nè èghɨ bu ègème a èbem bɔbȩ àa nkɔ̀ŋkà la naa li lɔ̀Ꞌɔ etsě. Ka è wu wòt wu tàa ngɨ̀à mènəè Mbɔ̧ɔ̧mà nàa nkɨà la, ko taa li ntèꞋa ane àlia nè àlia.

Matìù 24:35

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.

Ètsə 21:1

ÀfɨꞋa mbɔŋ e ndze ègwet fi nè sitsǎꞋ fi, nkàà nê ègwet mbì nè sitsǎꞋ mbì e nyɔ̂, *èdzî nyɔ̂ àzi mɨ̧̂.

Ètsə 20:14

Bɔ ghɨ̀ ale, màꞋà èvə nè àlaꞋ a bèmpfəà a èbem èwet ko àa mbɨ̀Ꞌɨ̀ èlemè nkòòla nè èkem adù̧ la. Èlemè waa èwet àa nkòòla adù̧ la wu èvə lu wòt nàa mpfəa mè mpfəa la.

Ètsə 22:3

Àghɨa ko ndɔ̀ Mbɔ̧ɔ̧mà nɔ̀ŋke a ègwet la, à ka wu ewu a èbem àpfəèà nɨ̧ a mbɔŋ. Àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu aa wu abot, bɔfàꞋ tò e mè ngu me wùꞋte atò abot.

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

1 Kɔlìn 7:31

Bòt bu bɔ̀ɔ ngɨ̀à mènəè ngɔ̀ŋ la è mě ntsiꞋi me tseke mbɨꞋɨ̀ bɔɔ kà ghɨ mènəè nè ngɔ̀ŋ mbɔŋ. Bɨ̀ ghɨ̀ ale nkàà nê ngɔ̀ŋ yaa nè mènəè mi tsèà tsě.

2 Kɔlìn 6:17

“Ale Lefɨ̀Ꞌ laꞋnê, bɨ dzə ayɔɔ yɔb me tsèke tsa ane yɔb, bɨ̀ ka mbà̧à̧te àghɨa àa tsòkè àwɨ̧ la ko maa nɨ awɨ̧,

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Ebùlù 12:27

Èngà̧ waa nê, “E mbele mèe” la, e wua shua nê, bɔɔ̀ nga enyiꞋi èghɨ bu Mbɔ̧ɔ̧mà ghɨ̀ la etsǐ, mbɨ̀Ꞌɨ̀ tsiꞋi etɔɔ wuê è bu kà bɔ wu ko enyiꞋi la.

Ètsə 20:13

ÀfɨꞋa mbɔŋ *èdzî e ŋa bòt bu bɔ li mpfəèꞋtê a èbèm la, èvə nè àlaꞋ a bèmpfəà a mèè ŋa è bu nè bòt abot la, bɔ saꞋa awɔb bàgème ane àghɨa waa waa li ngɨ̀ la.