Ètsə 20:11 - Mundani

¹¹ ÀfɨꞋa mbɔŋ e ndze taꞋa àtɨ̧a kèfə. Wòt kǒ wu a ègwet tà tseke la. SitsǎꞋ bɔ̂ ègwet e nyɔ̂ a mbì ŋut tè bɔ̀ ka tsi ndze.

Ètsə 20:11 Referans Kwoze

Ètsə 21:1

ÀfɨꞋa mbɔŋ e ndze ègwet fi nè sitsǎꞋ fi, nkàà nê ègwet mbì nè sitsǎꞋ mbì e nyɔ̂, *èdzî nyɔ̂ àzi mɨ̧̂.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Lûm 2:5

Ka ndɨ̀ wu a kweele èntɨ̧ɨ̧ wê, ntu̧u̧ kubte la, à wua mpàa nkwèꞋnà ntsǒ Mbɔ̧ɔ̧mà a ègwet lè, mbɨ̀Ꞌɨ̀ è li è wu ane àli yu tàa saꞋa waa waa ndɨŋndɨ̀ŋ la, a bê mbɨ̀ àwê.

Matìù 24:35

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.

Ètsə 16:20

ÈdziꞋ si èyuube ègème a èbem èdzî e bê nyɔ̂, bɔ̀ ka tsi ndzè tèbȩtsə.

Ètsə 6:14

Ègwelebuule e lebe mbɨꞋɨ̀ matà nyɔ̂. Tèbȩtsə tègème nè èdziꞋi si èyuube a èbem *èdzî e lɔꞋte adziꞋi e ghɨ ngu la.

Ètsə 20:2

Tà ghà mbà̧à̧ taꞋa dlagɔ̀n wu è fəə nyà̧kàbɔ̀ŋ la nkùùle atò ndzì a tèfȩ ane mèngùꞋebȩ tɔsì. Nyà̧kàbɔ̀ŋ mbɔŋ li ndzaŋe wu, è wu fɔ̧̀ fote kàbɔ̀ŋ tu bɔ̀ɔ ntɔ ane Satàn la.

Ètsə 12:8

ka Mȩkèl bɔ̂ bɔntu̧ ko bu e tsè àwɔb, tè bɔ̀ ka tsi mbɔ̀ àdziꞋa màntseka a ègwet.

Ètsə 4:2

KwàꞋ àfɨꞋa mbɔŋ Fo Mbɔ̧ɔ̧mà kɨꞋɨ adù̧ yaã ngɨ̀ e ndze àtɨ̧a kèfɔ̧̀ a ègwet wòt kǒ tseke adù̧ la.

Ètsə 19:11

ÀfɨꞋa mbɔŋ e me ye ègwet e ghaꞋà, e me ye ndzèa loà kèfə. Bɔ me tɔ wòt wu ta tseke a ègwet la nê wòt nkûŋ, betsiꞋa wòt lɨ̀Ꞌà àvi ane tò la. Tàà nɨ̀a nkûŋ ka sàꞋa mènəè mè nùà èbet.

Matìù 11:22

Ka tsiꞋ è shu awɨ̧ nê Mbɔ̧ɔ̧mà naa li eku tèsȩte bòt Tȩê nè Sidɔ̀n àlia tàa li saꞋa ngɔ̀ŋ la, te tsě ndɨ tàa eku tɨ̧ la.

Ètsə 21:5

Wòt wu tà tseke a gwet àtɨ̧a kèfɔ̧̀ yu la nê, “Bɨ̀ ye, maa ghɨ̌ èghɨ ègème aa tsiꞋi be fi.” Tà mè shu abua am nê, “Shɨ àghɨ yaa, nkàà nê mèngà̧ maa wu mèngǎ̧ nkûŋ, è kùꞋu me wòt nàa bɨ̧ɨ̧ne la.”