Ètsə 19:1 - Mundani

¹ Mbɨ̀Ꞌɨ̀ àyaa a tsè la, e ndzə àghɨa ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt a ègwet, ŋȩ̀a shua nê, “Alèluyà! Mèmpème nè ènɨ̧ nè mètàŋ wu abua Tǎt wa Mbɔ̧ɔ̧mà.

Ètsə 19:1 Referans Kwoze

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Ètsə 19:6

ÀfɨꞋa mbɔŋ e ndzə àghɨ ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt, me jùꞋù mbɨꞋɨ̀ mèdzî nàa nchua a ègwet èbȩ la, mè me jùꞋù mbɨꞋɨ̀ èfâŋ nkwàta la è shua nê, “Alèluyà! Lèfɔ̧̀ tsiꞋi abua Tǎt wa Mbɔ̧ɔ̧mà Àtsèàngɔ̀ŋ.

Ètsə 12:10

E me zə àtɔŋ ko a me ŋȩ a ègwet shua nê, “Mèmpème Mbɔ̧ɔ̧mà wa, nè mètàŋ tò nè kèfɔ̧̀ tò è kɨꞋɨ abua ya àfɨ̀Ꞌ yaa. Fɔ̧̀ wu tà yɔꞋ ntsà la è nyɨꞋte mètàŋ mi, nkàà nê bɔ tsì wòt wu tàa ntɨ̧a mbì Mbɔ̧ɔ̧mà àlia àgème ndzìà mènəè àtsəa bɔnyɨ ba la tè maꞋa a si.