Ètsə 18:14 - Mundani

¹⁴ Bòt tèwen bu e shu abua tò nê, “Èghɨ bu ègème à zi èntɨ̧ɨ̧ wê adù̧ la e te ntsě, èghɨ bu à li ngua nəèꞋà àwê a èbèm la, e ghà tè à ka wu li tsi ye bùà.”

Ètsə 18:14 Referans Kwoze

1 Kɔlìn 10:6

Èghɨ baa ègème e li ngɨ ane bètǎt nyaꞋ ba la e wu mbɨ̀Ꞌɨ̀ baa nɨ nkɨà àfɨ̀Ꞌ yaa, mbɨ̀Ꞌɨ̀ e baka wua nkɨ me ghɨ̌ a kàbɔ̀ŋ mbɨ̀Ꞌɨ̀ bɔ li ngɨ̀ la.

Jimsì 4:2

Bɨ̀a ngɨ̀ bɨ̀ kɨ àghɨ bɨ̀ baka bɔŋ, bɨ bùŋè wòt. Bɨ̀ mee bɨ̀ ghòꞋne àghɨ bɨ̀ baka bɔŋ, bɨ me yɔ̌ mè nùà mèbet. Bɨ̀a ngɨ̀ bɨ̀ me baka bɔ àghɨ ale, è wu ndɨ bɨ̀ baka lo̧ abua Mbɔ̧ɔ̧mà la.

Lûk 16:25

“Abàlàghâm nê, ‘Waã am, è li ngu àfɨ̀Ꞌ yu à bele a ngɔ̀ŋ la, à bɔ̀ èghɨ ntsɔ̧̀ ègème, ka Lazalɔ̀s wu ane ngoꞋ. Ka nè àfɨ̀Ꞌ yaa, tà wu ane mèntsèke ntsɔ̧̀, è me wu awê, à wu ane ngoꞋ.

Lûk 12:20

“Mbɨ̀Ꞌɨ̀ tà làꞋ ale la, Mbɔ̧ɔ̧mà shu abua tò nê, ‘Ye àkèghɨ̧̀ àko. Fo yê naa dzəâ ane yê kwàꞋ ètsəꞋ waa. Waa nàa li jɨ èghɨ bàà à paŋe la à?’ ”

Matìù 11:8

Tè a bakà wu ale, ko bɨ li ngua nga àbȩ eye ghǎ? Bɨ li ngua nga eye wòt bɔ wèe atò ane ndìte ntsɔ̧̀ la à? Bɨ ko nê, bòt bɔ wèè àwɔb ane ndìte ntsɔ̧̀ la bɔɔ ntsèka nè èbem ntɔꞋtsə.

Ètsə 18:13

Nè èghɨ e bɔ èghaa ntsɔ̧̀ la, mbɨ̀Ꞌɨ̀ àyɨt ko bɔ̀ɔ ntɔ ane sinamɔ̀n la, nè tènùꞋatsə, nè mèwet kǒ bɔ̀ɔ nto̧a la, nè məə, nè èwuu èlȩê ko, nè mèlùꞋ nè mèwet, nè flawà ntsɔ̧̀ nè èwuu ntsəètè ko nè mpɔ̀ŋtsə nè njɨ̀tsə, nè bèloà, nè bèmatùà ko bèloà àa səèà la, ndɔ̀Ꞌ nè èbùꞋ, è wu bɔbȩ la.

Ètsə 18:15

Bòt tèwen bu bɔ li ngua nta èwen bɔ̂ tò ba tè ntsìꞋi bòt èkab la, aa tɨ̧ɨ̧ a èndɨ̌ bɔ̀ɔ mbɔ̀ɔ ngoꞋ yu ndzea tò la. Bɔɔ me dɨ̀a shùà mèsi shua nê,