Ètsə 17:17 - Mundani

¹⁷ Mbɔ̧ɔ̧mà zi a mèntɨ̧ɨ̧ mɔb nê bɔ ghɨ̀ wuê àghɨa yèa nkɨ̀a nê à wu la, ngu ane ètsəê wemɔꞋ, ŋa lèfɔ̧̀ wɔb abua nyà̧mɔ̀Ꞌ yu, mbɨ̀Ꞌɨ̀ àghɨ àgème aa ghɨ̀ mbɨ̀Ꞌɨ̀ ye li shu nê aa wu la.

Ètsə 17:17 Referans Kwoze

Ètsə 10:7

ÀfɨꞋa wantu̧ Mbɔ̧ɔ̧mà wu, è wu we basà̧à̧mbe la è tɔ èsɔndɨk li la, mènəè ndò̧ Mbɔ̧ɔ̧mà nàa te, mbɨ̀Ꞌɨ̀ tà li shu bɔfàꞋ bi bu, è wu bèndàꞋàtɔŋ tò la, nê naa wu la.”

2 Kɔlìn 8:16

Mâ kɔ̀ŋka Mbɔ̧ɔ̧mà nê tà ghɨ̂ Tȩtɔ̀s me kɨ etɨŋe awɨ̧ wuê mbɨ̀Ꞌɨ̀ màa nkɨ me ghɨ̀ la.

Jɔ̌n 13:2

È tseke tè ngu àfɨꞋa nyèmtèsi ane àlia ngaa, bɔ̂ tò ba e tseke a si me jɨ èghɨjɨ, Satàn ko nê ye ghɨ̂ Judàs wu è wu waã Simùn Iskaliòt la me mɨ̀ɨ̀te ndɨ yea fɨ̧̀ɨ̧̀ne a Yesò la.

Ètsə 17:13

Bɔ̀ɔ wàa èghem la e wu ane ètsəê wemɔꞋ mè ŋa mètàŋ mɔb nè lèfɔ̧̀ wɔb abua nyà̧mɔ̀Ꞌ yu.

Jɔ̌n 13:18

“È nka laꞋà ŋǎ abua yɨ̧ bɨ̀agème, mâ ko èwuu bòt bu mâ tɔ awɔb la. Ka èngǎ̧ Mbɔ̧ɔ̧mà e bɔ ndɨ àa wu nkûŋ la nê, ‘Wòt ba tò e fɔtè èghɨjɨ la, è gheble te ntsìꞋa nùa am’.

Lûk 22:22

Waã Wòt naa pfə wuê mbɨ̀Ꞌɨ̀ Mbɔ̧ɔ̧mà li nɔ̀ŋè la, ka aa li bɨɨ àbâ wòt wu tàa fɨ̧̀ɨ̧̀nè atò la.”

Ètsə 15:1

ÀfɨꞋa mbɔŋ e mè ndze nkɨ̀Ꞌnè àghɨa ko a ègwelebuule a ghe la, bɔntu̧ Mbɔ̧ɔ̧mà basà̧à̧mbe bɔ̂ bèa èbɨꞋte ngoꞋ tesà̧à̧mbe la. Wu èbɨꞋte ngoꞋte te lià, nkàà ndɨ è wu tùà Mbɔ̧ɔ̧mà nàa nɨ elìa ntsǒ zi la.

Jɔ̌n 19:28

Yesò è ko nê ànəa àgème a mî, e nɨ ghɨ̌ ànəa Àkata Mbɔ̧ɔ̧mà a shu la aa te, tà nê “Àtɔŋ am a yu̧.”

Jɔ̌n 19:24

Bèshujà bu e shu abua bɔnyɨ bɔb nê, “Bà ka saã, bàa tsiꞋi màꞋà wuê èbìt, ndzǐ wòt tàa nɨ la.” A li ngu anè, mbɨ̀Ꞌɨ̀ ghɨ̌, ànəa Àkata Mbɔ̧ɔ̧mà a shu la aa te. Bɔ li shɨŋ nê, “Bɔ li ngàbtè ndǐ taã a kètsìà wɔb, è me wu ndǐ ègwet yaã, bɔ maꞋa ane èbìt.” Eyaa bê ngu àghɨa bèshujà bu e li ngɨ̀ la.

Jɔ̌n 10:35

Mbɔ̧ɔ̧mà li ndàꞋ àyaa ane bòt bu tà li ndzì èngǎ̧ vi a tèkitebu tɔb la. Ba bɔ nko nê, ànəa Àkata Mbɔ̧ɔ̧mà a shua la wu nkûŋ ane àlia nè àlia.

Lûk 22:37

TsiꞋ è shu awɨ̧ ane nkûŋ nê, èngǎ̧ Mbɔ̧ɔ̧mà wu e laꞋ nê, ‘Bɔɔ li nɨ atò mbɨ̀Ꞌɨ̀ wòt kàbɔ̀ŋ’ la, e bɔ ndɨ àa wu nkûŋ ane yaã la, nkàà nê àghɨa bɔ̀ le shɨ ane yaã la a bùꞋù tê me te.”

Lûk 22:3

Satàn nyi a èntɨ̧ɨ̧ wakatè Yesò kǒ ane bɔkatè tò bu ntsɔ̀b babe èlen tò wu Judàs Iskaliòt la.

Ètsə 6:11

Bɔ mè ŋǎ èmà̧ kèfə abua wòt ègème ane yɔb. Bɔ ŋa ale mbɔ̂ shu abua yɔb nê bɔ̀ mě ntsèke ane àfɨ̀Ꞌ àko, tè kèmpà̧ bɔnyɨ bɔb bu bɔ̀ wu bɔfàꞋ Mbɔ̧ɔ̧mà mɨ̧̂ la ghɨa nkùꞋ. Eyaa wu bòt bɔ li mbɔ ndɨ bɔ̀ɔ bùŋe mbɨ̀Ꞌɨ̀ bɔ li mbùŋè èbaa nè bòt la.

Ètsə 19:9

Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”