Ètsə 15:3 - Mundani

³ Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Ètsə 15:3 Referans Kwoze

Ebùlù 3:5

Musì li ngua ngɨ̀à àghɨa Mbɔ̧ɔ̧mà è shu nê tà ghɨa la a èbem lob tò, nɨa nyɨ̀Ꞌta àghɨa Mbɔ̧ɔ̧mà nàa li lɔ̀Ꞌɔ e shu la.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Ètsə 19:2

Tà wu wòt nkûŋ, mè me saꞋa mènəè wuê ndɨŋndɨ̀ŋ. Tà saꞋa àghɨꞋna ghȩ̀ȩ̀nè ghȩȩne wu ane àbɨ̧ tà nɨŋ ndiꞋi ngɔ̀ŋ la. Mbɔ̧ɔ̧mà nɔ̀ŋe ngoꞋ àtsə atò nkàà àlo̧ bɔfàꞋ bi bu tà ghɨ̀ a chɨ̧ɨ̧te a si la.”

Ètsə 14:3

Bòt ngaa bàgème e tɨ̧ɨ̧te a mbì àtɨ̧a kèfɔ̧̀ yu, nè èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, me kɔ̧ɔ̧ ètsəèkù̧ fi. Wòt kǒ tà li ngu eko ètsəèkù̧ mbɔŋ tsa la è li kà wuê, kà wu bòt bu bètɔsì ènkɨ̀ nè èghem yekwì ntsɔ̀b bakwì, bɔ chùꞋù ètsə bɔb a sitsǎꞋ la.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 11:17

Bɔ li ngua shua nê, “Baa ŋa mèngùꞋte abua ye, Mbɔ̧ɔ̧mà Lefɨ̀Ꞌ Àtsèàngɔ̀ŋ wu, àa və mè ndzaŋe wu la. Ba kɔ̀ŋkè àwê ndɨ̀ wu a nɨ mètàŋ kèkweelè mê, tê mbùꞋ me baãaã ngɔ̀ŋ la.

Ètsə 4:8

Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”

Ètsə 19:16

Bɔ shɨ èlen ko a ègwet ndǐ tò nè ègwet ètaã tò nê, “Fɔ̧̀ bèfɔ̧̀, nè Tǎt bètàt.”

Ètsə 14:8

Wantu̧ Mbɔ̧ɔ̧mà kǒ, è kùŋe we mbì wu la nê, “A kwen ɔɔ̀. Àpfəèa nɨ̧ yu bɔɔ ntɔ ane Babilɔ̀n la a kwen. Àpfəèa mbɔŋ a ghɨ̂ èlaꞋ ègème e nu mèlùꞋ kèkweelè àbɨ̧ tò yu tàa mpàꞋtâ la.”

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”