Ètsə 14:2 - Mundani

² E ndzə àtɔŋ ko a dzə a ègwet la, a me jùꞋù mbɨꞋɨ̀ mèdzî nchua a ègwet èbȩ la, mè me jùꞋù mbɨꞋɨ̀ èfâŋ kekweelè. Àtɔŋ mbɔŋ a me bɔ̀ mbɨ̀Ꞌɨ̀ àyea bòt ndùꞋa lèkɨŋ la.

Ètsə 14:2 Referans Kwoze

Ètsə 5:8

Mbɨ̀Ꞌɨ̀ tà ghà tê nɨ àkatè yu la, èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, bɔ bɔ̀tè a si a mbì Wanjɨ̀ wu. Wòt ègème ane yɔb bèà àkalàku, nè èpfəèꞋ ko bɔ ghɨ̀ ane goêl la. Mèwet ko li ngu a èbem èpfəèꞋ lu nàa nəꞋa mbɔ̀, è wu àtsaꞋta bòt Mbɔ̧ɔ̧mà la.

Ètsə 1:15

Èka tò e li ngua mbèꞋa mbɨ̀Ꞌɨ̀ àtɨ̧ɨ̧na bɔ to̧a èwet la, àtɔŋ tò a mè ngu mbɨ̀Ꞌɨ̀ mèdzî nàa nchua a ègwet èbȩ la.

Ètsə 15:2

E ndze àghɨa ko a nɔ̀ŋkè mbɨ̀Ꞌɨ̀ taꞋà èlemè, me fəəte mbɨ̀Ꞌɨ̀ àlùgɨ̀lâ la, nè èwet adù̧. Bòt bu bɔ nuê nyà̧mɔ̀Ꞌ yu bɔ̂ wamâlem tò wu tè ntsè, mè ntu̧u̧ enɨ nɔmbà èlen tò lu la, e tɨ̧ɨ̧tè a ngèt èdzî wu aa fəèəèta mbɨ̀Ꞌɨ̀ àlùgɨ̀lâ la. Bɔ li mbèà bèlèkɨŋ àbu bɔb Mbɔ̧ɔ̧mà ŋa la.

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 18:22

Àtɔŋ bèlèkɨŋ, nè bènduꞋa àben, nè bòt màntɔ bafɨ̀, mè nè èbe màntɔ tèsɔnkendɨk, è ka li tsi ŋwȩ a èbem àpfəa mbɔŋ a. Bɔ̀ kà li tsi ye ka wuê wòt wemɔ̀Ꞌ ane bòt bɔ̀ɔ nkɔ̧̀a èghɨ kò mbàꞋa èghɨ la abot a. Bɔ̀ ka meè ngu tsi e zə ndɨ èti màngɔꞋɔ èghɨ àa ndàꞋà la.

Ètsə 11:12

AfɨꞋa mbɔŋ bèndàꞋàtɔŋ Mbɔ̧ɔ̧mà bu babe la e zə àtɔŋ ko a dzə a ègwet la a shu abua yɔb nê, “Bɨ̀ kɔꞋɔ àdzìꞋ yaa.” Mbɨ̀Ꞌɨ̀ bɔ̀ɔ kɔ̀Ꞌɔ̀ ngà a ègwet a èbem mbàꞋ la, bɔmbù̧ bɔb e ye awɔb ndɨ bɔ ghà la.

Ètsə 6:1

AfɨꞋa mbɔŋ e me ye Wanjɨ̀ wu nà̧à̧nè àdziꞋa mbì ane èdziꞋi èmènà bu besà̧à̧mbe ane àkatè yu la. Tà nà̧à̧nè ale e me zə àghɨ ko ane èghɨ bu bekwì è wu yu̧ la a ŋȩ ane àtɔŋ ko mbɨ̀Ꞌɨ̀ èfâŋ nê, “KɨꞋɨ!”

Ètsə 1:10

Mbɨ̀Ꞌɨ̀ è ngu abot ane Àliapfəèa Mbɔ̧ɔ̧mà ako la, Fo Mbɔ̧ɔ̧mà e kɨꞋɨ ane yaã, e ndzə àtɔŋ ko akwèn yaã ndàꞋà mbɨ̀Ꞌɨ̀ èsɔndɨk.

Ètsə 8:7

Wantu̧ mbì è tɔ è li nê èsɔŋ, bɔ màꞋà èwèt nè èwet e fɔte nè àlo̧ la a sitsǎꞋ, èyɨt e shɨà, mèfəèꞋ ègème ghòꞋ. Bɔ ghàbtè sitsǎꞋ ane èbâ betat, ko wu àdziꞋ yeamɔꞋ ane èghɨ mbɔŋ a ghòꞋò la.

1 Kɔlìn 13:1

E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la.