Biblia Todo Logo
Bib sou entènèt

- Piblisite -




Ètsə 13:7 - Mundani

7 Bɔ mè sa atò nê tà màꞋà èbet adù̧ bòt Mbɔ̧ɔ̧mà nù àwɔb ntsè. Mè ŋa atò mètàŋ nê tà me baãaã èndà̧ ègème, nè èlaꞋ ègème, nè bòt bɔ̀ɔ ndàꞋà ndɨ̧ tègème la.

Gade chapit la Kopi




Ètsə 13:7
20 Referans Kwoze  

AfɨꞋa bɔ̀ɔ paa a màndaꞋa èngǎ̧ Mbɔ̧ɔ̧mà wu la, nyà̧mɔ̀Ꞌ nàa kɔꞋ a si a èbem èbɨ lu kà ye ndìa la, e nû etsě àwɔb, e mbùŋè àwɔb.


A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.


Wantu̧ Mbɔ̧ɔ̧mà wu mè shu abua am nê, “Mèleb mu à li ndze ghȩ̀ȩ̀nè ghȩȩne wu tseke adù̧ la wua nyɨ̀Ꞌta èlaꞋ nyaŋ nè bòt nyaŋ bɔ̀ɔ ndàꞋà ndɨ̧tsə tsa tsa la, mè nè èndà̧ nyaŋ.


Bòt èlaꞋ bu kà ko awê la aa ntsòa nkwèèlâ àtsə, mbɔ̂ àfɨꞋa àa nɔ̀ŋe ntsǒ yê a ègwet lɔb la a kɨꞋɨ̀. Wu àfɨꞋa saꞋa bòt bu bɔ pfəꞋte la. AfɨꞋa a kuꞋ àa ŋa àbȩ̀ bèndàꞋàtɔŋ bê è wu bɔfàꞋ bê, nè bòt bê bàgème, mè nè wòt ègème tàa nkùkta wê la, bòt techɨɨle nè bɔɔjuŋ. Eyaa mè ngu àfɨꞋa àa liime bòt bu bɔ̀ɔ ntsòkà sitsǎꞋ la.”


Yesò bɨ̀ɨ̀lè nê, “BetsiꞋa à kà ghɨ̌ àghɨ adù̧ yaã kà Mbɔ̧ɔ̧mà làꞋ nê, à wu ale. Ale, wòt wu tà baãaã am ŋǎ abua yê la, ghɨ ànəa kàbɔ̀ŋ tè ntsè awê.”


Bɔ mè shu abua am nê, “À bɔ ndɨ àa mě làꞋa èngǎ̧ Mbɔ̧ɔ̧mà ane ànəa bòt èlaꞋ ègème, nê bòt ndɨ̧ tègème mè nè bèfɔ̧̀ bàgème la.”


Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.


mbɔ̂ shu abua tò nê, “Eyaa wu èghɨ bɔ̧ bɔ ŋa la. Mâ bɔ mètàŋ ndɨ betsiꞋa e ŋa bùà nè ènɨ̧ wɔb abua wòt màa nkɔ̀ŋkà la.


Swiv nou:

Piblisite


Piblisite