Bib sou entènèt

Ètsə 13:4 - Mundani

⁴ Wòt ègème me wùꞋte nyà̧ yu è fəə a dlagɔ̀n la, nê tà ŋa àtɔŋ àzi abua nyà̧mɔ̀Ꞌ yu, mè me wùꞋte nyà̧mɔ̀Ꞌ yu shua nê, “Wa bɔ mètàŋ mbɨ̀Ꞌɨ̀ nyà̧mɔ̀Ꞌ yu à? BetsiꞋa wa nùa tò à?”

Gade chapit la Kopi

« Previous

tounen moute ⬆

Ètsə 13:2

Nyà̧mɔ̀Ꞌ mbɔŋ e ndi ndze la li ngu mbɨ̀Ꞌɨ̀ ngwìnyà̧, nkabte tete èka tò te wu mbɨ̀Ꞌɨ̀ è te sambàŋ, ètsəê tò e mè ngu mbɨ̀Ꞌɨ̀ we sambàŋ. Nyà̧kàbɔ̀ŋ yu ŋa mètàŋ mi nè àtɨ̧a kèfɔ̧̀ àzi mè nè àtɔŋ kekweelè àzi abua nyà̧mɔ̀Ꞌ yu.

Gade chapit la

Ètsə 18:18

me ŋȩ mbɨ̀Ꞌɨ̀ àpfəèà nɨ̧ yu àa shɨa ndiꞋtsə te kɔꞋɔ ngà a ègwet la. Bɔ li ngua ŋȩa shua nê, “Àpfəè àko a te bakà wu mbɨ̀Ꞌɨ̀ àpfəèà nɨ̧ yàa.”

Gade chapit la

Ètsə 13:15

Bɔ sà nyà̧mɔ̀Ꞌ kwèn yu tà yèènè fo mèmpème ane wamâlem wu bɔ̀ɔ nɨa ngùꞋtà nyà̧mɔ̀Ꞌ mbì yu la, mbɨ̀Ꞌɨ̀ ghɨ̌ tàa me làꞋa, e mě ghɨ̌ tàa bùŋe bòt bɔ tu̧u̧ wùꞋte atò la.

Gade chapit la

Ètsə 12:3

Àyea ko nè àghɨ a ghe la, a mè mpùùlà a ègwelebuule. E ndze taꞋa nyà̧ kǒ mèmbaŋ è fəə dlagɔ̀n la, è bɔ̀ ètsə besà̧à̧mbe, nè ndɔŋtsə èghem, mè nkwaãaã ntà̧ nàà nyɨ̀Ꞌta mètàŋ tò la adù̧ àtsə àgème.

Gade chapit la

2 Tèsàlonikà 2:4

Taa kɨꞋɨ etu̧u̧ àghɨ àgème bòt àa ngùꞋtà nê wu mbɔ̧ɔ̧mà la, e me ŋeꞋe avi a ègwet shua nê ye tse bùà ègème. Taa ghǎ fɔɔle a èbem lob nɨ̧ Mbɔ̧ɔ̧mà, e tseke a èbem e me shu bòt nê zìambɔŋ ka ye wu Mbɔ̧ɔ̧mà la.

Gade chapit la

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Gade chapit la

Ètsə 9:20

ÀbəꞋa bɔbȩ ngoꞋte kekweelè tàa te li tè ka buŋè àwɔb la, a li ntu̧ kubte. Bɔ li mbèla nkùkta wuê fote kàbɔ̀ŋ, nè bènàmbəa bɔ ghɨ ane goêl nè silbà nè àti mè nè èyɨt, è wu èghɨ àa ka ye èdziꞋ, è ka wua ndzəa èdziꞋ, è ka meè ngua ngȩ̀ȩ̀nà la.

Gade chapit la

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Gade chapit la

Ètsə 12:4

Tà nɨ èku̧ li səè àbâ těnto̧ yeamɔꞋ ntsàà a si, ane těnto̧tsə tègème a ègwelebuule bɔ ghàbte ane èdzìꞋ betat la. Dlagɔ̀n wu tɨ̧ɨ̧ a mbì àvi wu nkɨ bi la, me chɨ̀Ꞌɨ àvi wu naa bi waã wu yea kwele.

Gade chapit la

Ètsə 13:11

E mè me ye nyà̧mɔ̀Ꞌ kǒ kɔꞋɔ a èbem sitsǎꞋ, ndɔŋke tò tebe te nɔ̀ŋkè mbɨ̀Ꞌɨ̀ te wanjɨ̀, tà mè me bȩȩta ŋȩ̀a ndàꞋà mbɨ̀Ꞌɨ̀ dlagɔ̀n.

Gade chapit la

Swiv nou:

Lyen patwone

Piblisite

Ètsə 13:4 - Mundani

Ètsə 13:418 Referans Kwoze

Ètsə 13:4
18 Referans Kwoze