Efesɔ̀s 6:20 - Mundani

²⁰ Mâ tɨ̧ɨ̧ ane èlen Yesò, mbɔ̂ ngu a tèfȩ nkàà ànəa Ntu̧ Ntsɔ̧̀ yaa. Bɨ̀ tsàꞋta Mbɔ̧ɔ̧mà nê tà tsì kèbɔɔ ane yaã mbɨ̀Ꞌɨ̀ maa tsɔ̀te Ntu̧ Ntsɔ̧̀ yaa ane ndɨ mâ bɔ ndɨ màa tsɔ̀tè la.

Efesɔ̀s 6:20 Referans Kwoze

2 Kɔlìn 5:20

Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!

Kɔ̀losìà 4:4

È wu ale, bɨ tsàꞋta Mbɔ̧ɔ̧mà nê, è nko ntsɔ̀tè ntu̧ yaa ane ndɨ mâ bɔ ndɨ màa làꞋa bòt àa nèète ezə la.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

ÀfaꞋa 26:29

Pɔ̂l bɨ̀ɨ̀lè nê, “Kò àfɨꞋa ngaa aà sàà kò aà nyɨꞋa leꞋ, ko maà ntsàꞋta a Mbɔ̧ɔ̧mà nê, tà ghɨa bɨ bòt ba bàgème njùtâ èngǎ̧ am la è tsiꞋi mbɨꞋɨ̀ màa la. Wu nê, bɔ̀ ka nkùùle awɨ̧ ane fȩtsə mbɨ̀Ꞌɨ̀ bɔ kuule am anè la a.”

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

Filìpȩ 1:20

Maa nchɨ̀ɨ̀mâ nkɨ̀a, mè mbɔ ntɨ̀ nê, è nka bê lɔ̀Ꞌɔ ebɔ àtsəa kɔꞋɔ ane ànəa Yesò a. Ka maa lɔ̀kè èlen Yesò Klistò etsaa ègwet àfɨ̀Ꞌ yaa mbɨ̀Ꞌɨ̀ màa ndzìà ngɨ̀à la, kà bɔ̀a. E màà ngu bele wuê a sitsǎꞋ ŋàa, kò mpfə leꞋ, ko maa me lɔ̀kè wuê èlen tò.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

ÀfaꞋa 28:31

Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

ÀfaꞋa 28:20

Eyaa wu àghɨa a ghɨ̀ ka e me kɨ eye awɨ̧ la. Bɔ me kuule am ane fȩtsə mbɨ̀Ꞌɨ̀ wɔ̀tèfȩ anè, ngua nkàà wuê ànəa wòt wu bòt Izəèlȩê e bɔ ntɨ̀ ane tò la.”

ÀfaꞋa 5:29

Pità bɔ̂ bɔntu̧ ko bu e bɨ̀ɨ̀lè nê, “Ba bɔ̂ ndɨ bàa ghɨ ànəa Mbɔ̧ɔ̧mà shu la. BetsiꞋa bà ka sa àyea tò, ngɨ̀ wuê àyea wɔ̀bȩ̂.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.

Fȩlemùn 1:10

E ngua shù̧ù̧te awê ane ànəa waã am Ònesìmùs wu mâ tsiꞋi tǎt tò ane Yesò mbɨ̀Ꞌɨ̀ e ngu a tèfȩ anè la.

ÀfaꞋa 21:33

Tǎt banyà̧ wu gha a mbɨ̧̀ Pɔ̂l, ndzì èbu ane tò, mbɔ̂ ngɨ̀ bɔ kuule atò ane fȩ tebe. Tà bɔ̂ mbììte nê, “Mbê waa wu wàà à? Tà ghɨ̀ ghà à?”

2 Kɔlìn 3:12

Ndɨ̀ wu ba ko ayaa la, ba tsiꞋa ndàꞋà èngǎ̧ Mbɔ̧ɔ̧mà kà bɔ̀a.

Kɔ̀losìà 4:3

Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.

Fȩlemùn 1:9

ka e ngu anè ntsìꞋa shù̧ù̧te awê shù̧ù̧te nè èkɔŋ. Mmɔ̌ Pɔ̂l, maà ngɨ̀à àyaa anè mbɨ̀Ꞌɨ̀ wòt tà tɨ̧ɨ̧ ane èlen Yesò mbɔ̂ ngu àfɨ̀Ꞌ yaa fȩ ane ànəa tò la.