Efesɔ̀s 6:13 - Mundani

¹³ Bɨ̀ ŋeꞋe èghɨ èbet Mbɔ̧ɔ̧mà àfɨ̀Ꞌ yaa, mbɨ̀Ꞌɨ̀ è wu ane àlia kàbɔ̀ŋ kɨꞋɨ la, bɨ koê nù wùà tè è me lìa bɨ bela nkwèèla wuê kweele.

Efesɔ̀s 6:13 Referans Kwoze

2 Kɔlìn 10:4

Èghɨ bàa nɨa nùà èbet wa la ntsě è bu bɔbȩ àa nɨa nùà èbet la. Ka wu èghɨ èbet bu e bɔ mètàŋ Mbɔ̧ɔ̧mà bàa nɨa ntsòkà èdziꞋi bɔmbù̧ Mbɔ̧ɔ̧mà àa ndò̧ò̧tà la.

Lûk 21:36

Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”

Efesɔ̀s 5:16

Bɨ̀ me ghɨ a ntsɔ̧̀ àfɨ̀Ꞌ àgème èlu̧ e dzə a si la, nkàà nê kàbɔ̀ŋ ghe àbȩ àfɨ̀Ꞌ yaa.

Lûk 8:13

Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

Ètsə 6:17

Àlia bɔ̀ɔ nyɨꞋte ntsǒ yɔb la a kùꞋ. Wòt wu betsiꞋa tà ko ntɨ̀ŋe avi zìambɔŋ ane àli yaa la wu wàà?

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

Jimsì 4:7

È wu ale, bɨ zì àwɨ̧ a èten Mbɔ̧ɔ̧mà. Bɨ̀ teme kwèn tɨ̧ ŋǎ abua Satàn, ko taa lùùlà àwɨ̧.

1 Pità 4:1

Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.