Bib sou entènèt

Efesɔ̀s 6:12 - Mundani

¹² Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Gade chapit la Kopi

tounen moute ⬆

Efesɔ̀s 6:12
25 Referans Kwoze

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Kɔ̀losìà 2:15

Yesò Klistò li mpfə a mbɨ̧̀ mbasa ale ngɨ̀ fo tu tèa mbà̧aã èlaꞋ mè ntsìta mènəè la tè ka tsi mbɔ̀ mètàŋ. Tà li ntsè awɔb tè nkùùla awɔb ngɨ̀ bɔ tsiꞋa ngȩȩna akwen tò waa waa yea.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Efesɔ̀s 1:21

Yesò Klistò wu a ègwet və àtsə àghɨ àgème àa mbà̧aã èlaꞋ mè ntsìta mènəè la, nè yea a bɔ àtɔŋ nè mètàŋ a ègwet la, mè ntsè èlen ègème bɔ̀ɔ ndzəa àfɨ̀Ꞌ yaa, nè àfɨ̀Ꞌ yu nga ekɨꞋɨ la.

Lûm 8:38

Mâ lâ nko nê betsiꞋa èvə, kò màngua yu̧, kò bɔntu̧ Mbɔ̧ɔ̧mà, kò fo tu a ègwet te bɔ àtɔŋ nè mètàŋ la, kò èghɨ àa àfɨ̀Ꞌ yaa la, kò èbe nga kɨꞋɨ la leꞋ,

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Jɔ̌n 14:30

È nka tsi làꞋà ba nɨ̧̀ ba ane àfɨ̀Ꞌ à seè à, nkàà nê Satàn wu, tà wu àtsəa ngɔ̀ŋ yaa la nàà nkɨ̀Ꞌa. Tà bakà bɔ mètàŋ a ègwet laã.

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Jɔ̌n 16:11

Bɔɔ li mě eye èsaꞋa Mbɔ̧ɔ̧mà nkàà nê, Mbɔ̧ɔ̧mà saꞋa wòt wu tà wu àtsəa ngɔ̀ŋ yaa la tè ndɔ̀Ꞌ.

Lûk 22:53

Maà wu ba nɨ̧̀ ba a èbem lob nɨ̧ Mbɔ̧ɔ̧mà àli àgème, ka bɨ̀ ka mbà̧aã am. Ka eyaa wu àfɨ̀Ꞌ àyɨ̧ nè àfɨꞋa Satàn bɔ mètàŋ mi ègème la.”

Lûk 13:24

“Nyɔ̀Ꞌta a mànyia ane ètsələèꞋ techɨɨle, nkàà nê bòt nyaŋ aa li me nùa nyɔ̀Ꞌtà nkɨ enyi ka èlu̧ è ka wu wu abua yɔb.

2 Tɔ̀màtià 2:5

Ko mɨ̧̂ nê, wòt me lùùla àlùùlà, tè mbakà wua ndùùlà mbɨ̀Ꞌɨ̀ mbɨ̧te àlùùlà yu te kɨa la, tà kà tse àyùà.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Ebùlù 12:4

Èbet wu bɨ̀a ntsèka nùà ane ànəa mènəè kàbɔ̀ŋ la e bakà ziꞋ nga te wu àdziꞋa àlo̧ wòt kǒ àa chɨ̧ɨ̧te a si la.

Gàlashìà 1:16

nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Ntu̧ Ntsɔ̧̀ MAK 4:19

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

2 Kɔlìn 11:14

Wòt yea àyaa à ka ntsè atò ngu nê nàa ngɨ̀ è wu àfɨ̀Ꞌ àko ka wuê Satàn fɨ̀te bòt tè bɔ tsiꞋa mɨ̀ɨ̀tà nê tà wu wantu̧ Mbɔ̧ɔ̧mà tàa nɨa èkaꞋà nɨa nkɨ̀Ꞌa la.

Swiv nou:

Lyen patwone

Piblisite

Piblisite