Efesɔ̀s 5:26 - Mundani

²⁶ Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

Efesɔ̀s 5:26 Referans Kwoze

Jɔ̌n 15:3

Eyaa wu ndɨ èngǎ̧ wu mâ làꞋa abua yɨ̧ la, e nèètè àwɨ̧ tè bɨ bɔ̀ŋ la.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

Efesɔ̀s 6:17

Mèmpème mu Mbɔ̧ɔ̧mà ŋa abua yɨ̧ la bɔ ndɨ nàa wu mbɨ̀Ꞌɨ̀ ntà̧ èbet yu bèshujà àa nɨa nkàbta ètsə bɔb la. Bɨ̀ mèe nɨ èngǎ̧ Mbɔ̧ɔ̧mà wu Fo tò nàa ŋǎ la è wu mbɨꞋɨ̀ nyi èbet abua yɨ̧.

1 Jɔ̌n 5:6

Wu Yesò Klistò tà li nkɨ̀Ꞌɨ̂ a ngɔ̀ŋ ŋaa nè mèleb bɔ̂ àlo̧ atò a nchɨ̧̀ɨ̧̀te a si la. Tà li tà kà nɨ wuê ndàꞋ mèleb, àlo̧ atò a li nchɨ̧̀ɨ̧̀te a si mɨ̧̂. Fo Mbɔ̧ɔ̧mà yu nàa ka fɨ̀tê la zìambɔŋ è nyɨꞋtè nê eyaa wu nkûŋ.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 10:10

Ndɨ̀ wu Yesò Klistò li nkɨ̀Ꞌɨ̂ ŋà àtsəa zi ngò̧ yemɔ̀Ꞌ mbɨ̀Ꞌɨ̀ Mbɔ̧ɔ̧mà kɨa la, ba tsiꞋi mbɨ̀Ꞌɨ̀ bòt kà ghɨa kàbɔ̀ŋ.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Jɔ̌n 17:7

Bɔ ko àfɨ̀Ꞌ yaa nê, ànəê àgème à zi a tèkitebu taã la a dzə abua yê.

Jimsì 1:18

Tà li ndàꞋ èngǎ̧ nkûŋ vi, mbi awa ane mènkɔ̀ŋke mi nê bàa tɨ̧ɨ̧ a mbì àghɨ àgème ye ghɨ̀ la.

Jɔ̌n 15:8

Bɨ me ghɨ̀ èghɨ ntsɔ̧̀ nyaŋ ko bòt aa ye nê bɨ wu bɔkatè bɔ̧ e lɔ̀kè èlen Tǎt am e tsaa ègwet.

Jɔ̌n 13:10

Yesò bɨ̀ɨ̀lè nê, “Wòt tà shùù àvi la, è bɔ ndɨ tàa tsiꞋi shùù wuê ndàꞋa èka bi la, ènyit tò ègème e lɔ̂Ꞌ. Ale, ènyit yɨ̧ e lɔ̂Ꞌ, ka è kà wu wòt ègème, ènyit tò e lɔ̀Ꞌɔ̀ la.”

Lûm 10:8

Ànəa e shua la wu nê, “Èngǎ̧ Mbɔ̧ɔ̧mà e wu à ngèt yè, ngu a ètsəê wê, mè ngu a èntɨ̧ɨ̧ wê.” Wu èngǎ̧ wu bàa ntsɔ̀tà nê bɨ̀ zi mèntɨ̧ɨ̧ mɨ̧ ane Yesò Klistò la.

2 Kɔlìn 11:2

Bɨ̀ ko nê, mâ lâ mbɔ èntɨ̧ɨ̧ ane yɨ̧ mbɨ̀Ꞌɨ̀ Mbɔ̧ɔ̧mà bɔ la. Mâ nɨ awɨ̧ mbɨ̀Ꞌɨ̀ waàvi angɔ̧̀ kà ko mbâ̧, e ghɨ̌ bɨa yɔꞋɔ wuê mbâ̧ yemɔ̀Ꞌ. Ŋut wu Yesò Klistò à.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Ebùlù 4:12

Èngǎ̧ Mbɔ̧ɔ̧mà e wu èyu̧ mè mbɔ̀ mètàŋ. E tɔɔ te ntsè nyi èbà bebe. Aà sɔ̀ɔ̀bà tè ngà ndzə àdziꞋa àlɨ̀ŋka wɔ̀bȩ̂ nè fo tò à wu abot la, mè sɔ̀ɔ̀bà tè ngà ngu a èbem èkwȩ bɔ̂ mbɔ̀ɔ̀latsə. Aa ngɨ̀à Mbɔ̧ɔ̧mà ko àghɨa wòt nàa mɨ̀ɨ̀tà la nè àyea tàa nkɨ e ghɨ̀ la.

Ebùlù 10:14

Tà ŋà àtsəa zi ngò̧ yemɔ̀Ꞌ ale, ngɨ̀ bòt bu Mbɔ̧ɔ̧mà shùù mènəè kàbɔ̀ŋ mɔb la e tsiꞋi àghɨa bɔ wu ewu yùà la ane àlia nè àlia.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ebùlù 13:12

Yesò li ndzě ngoꞋ nàbȩ̂ mɨ̧̂, a èlɨ mbɔŋ, mpfə mbɨ̀Ꞌɨ̀ enɨ àlo̧ azi e ghɨ̌ bɔɔ tsiꞋi mbɨ̀Ꞌɨ̀ zìa.

2 Pità 1:9

Èghɨ baa e bakà wu ane wòt, tà bɔ̌ ndɨ tàa ko nê yea kà ye èdziꞋ ntsɔ̧̀, mè ndèène nê Mbɔ̧ɔ̧mà li shùù bèkàbɔ̀ŋ bu tà li ngua ngɨ̀à la.