Efesɔ̀s 5:2 - Mundani

² Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Efesɔ̀s 5:2 Referans Kwoze

Jɔ̌n 13:34

“Mâ ŋa awɨ̧ mbɨ̧ fi nê, bɨ̀ me kɔ̀ŋkè bɔnyɨ bɨ̧. Mbɨ̀Ꞌɨ̀ ndɨ maa wua nkɔ̀ŋkà àwɨ̧ la, bɨ̀ me kɔ̀ŋkè bɔnyɨ bɨ̧ mɨ̧̂.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Kɔ̀losìà 3:14

Waa waa me kɔ̀ŋkè wanyɨ vi nɨ̀a nkweꞋna ane èghɨ bàa ègème, nkàà nê èkɔŋ aa fèta bòt ngɨ̀à bɔ tsiꞋa àghɨ yeamɔꞋ, wuê mbɨ̀Ꞌɨ̀ a wu ewu la.

2 Kɔlìn 2:15

Baa anè ntsìꞋi mbɨ̀Ꞌɨ̀ mèwet àghaa ntsɔ̧̀ Yesò Klistò ŋa abua Mbɔ̧ɔ̧mà a kètsìà bòt pèma la nè èbe ndèma la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

1 Kɔlìn 16:14

Bɨ̀ me ghɨ àghɨ àgème nè èkɔŋ.

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ebùlù 9:26

Tà li me wu ale ngɨ̀ ale, ko tà li mbɔ̌ ndɨ tàa ye ngoꞋ a ngo̧ a ngò̧ ebuꞋu àfɨ̀Ꞌ yu Mbɔ̧ɔ̧mà li ngɨ̀ ngɔ̀ŋ la. Ka mbɨ̀Ꞌɨ̀ àa la, tà bê nkɨ̀Ꞌɨ̂ ngò̧ yemɔ̀Ꞌ, àfɨ̀Ꞌ yaa ngɔ̀ŋ tsìꞋa ndìà lìa la, ŋà àtsəa zi mbɨ̀Ꞌɨ̀ eyòò mènəè kàbɔ̀ŋ mu bòt àa ngɨ̀à la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

Efesɔ̀s 4:15

Baa tsiꞋi me nɨ èkɔŋ ndàꞋà mènəè nkûŋ, etsə ane balu̧ bàgème te tsiꞋi mbɨ̀Ꞌɨ̀ Yesò Klistò wu tà wu àtsə la.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

1 Tèsàlonikà 4:9

Ba bakà tsi mbɔ̌ ndɨ bàa mě eshɨ àkatè abua yɨ̧ eshu awɨ̧ ndɨ bɨ̀a me kɔ̀ŋkè bɔnyɨ bɨ̧ bòt Yesò la. Mbɔ̧ɔ̧mà zìambɔŋ è nyɨꞋte awɨ̧ ndɨ bɨ̀a me kɔ̀ŋkè bɔnyɨ bɨ̧ la.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.

Ebùlù 9:23

A li mbɔ̀ŋ nê bɔ̀ nɨ àlo̧ èghɨ bàa shùù èghɨ bu è wù àfəa bu a ègwet la è fə. Aà nyɨ̀Ꞌta nê bɔ̀ nɨ àlo̧ èghɨ e tsè baa la ka nɨŋ shùù èghɨ bu a ègwet la.

Efesɔ̀s 3:19

e mě, kɨꞋɨ te ndzə àdziꞋa bɨ̀a ko èkɔŋ Yesò Klistò la, mbɔ̂ èkɔŋ mbɔŋ e faŋ ntsè àghɨ betsiꞋa bòt e koê la. Bɨ koa èkɔŋ Yesò waa ko bɨa bɔ èntɨ̧ɨ̧ wu Mbɔ̧ɔ̧mà bɔ la nènkèm.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Efesɔ̀s 5:25

Bèlu̧, bɨ̀ me kɔ̀ŋkè bèzi bɨ̧ wuê mbɨ̀Ꞌɨ̀ Yesò Klistò li nkɔ̀ŋkè chɔsì tè mpfə ambo wùà la.

1 Kɔlìn 5:7

Ale, bɨ̀ tsia kàbɔ̀ŋ wu ayɔɔ yɨ̧, è wù mbɨ̀Ꞌɨ̀ yis nyǎꞋ la, mbɨ̀Ꞌɨ̀ tsiꞋi bòt fi nènkèm. Mâ ko nê wu ndɨ bɨ̀a la. Bɨ̀ ghɨ̀ ale, nkàà nê, Yesò Klistò pfə tê ndɔ̀Ꞌ nkàà bèkàbɔ̀ŋ bɨ̧ mbɔŋ. Tà wu mbɨ̀Ꞌɨ̀ wanjɨ̀ wu bɔ li ngua nkɨ̧̀ɨ̧̀ma ŋǎ abua Mbɔ̧ɔ̧mà àfɨꞋa èpǎ̧ Màntsea a ègwet la.

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

Lûm 8:37

Àghɨ a ntsě. Èghɨ bàà aà mbàta ngɨ̀à ane ya ale, ka baa bɔ̂ ndâ ntsè èbùà ègème, nkàà Yesò wu tà kɔ̀ŋkè awa la.

Lûm 15:16

tà nɨŋ ngɨ̀ e ntsiꞋi wafàꞋ Yesò Klistò la. Maà ntsɔ̀tà Ntu̧ Ntsɔ̧̀ Mbɔ̧ɔ̧mà abua bòt kà wu Bèjuê ale, àfàꞋ am a wu mbɨ̀Ꞌɨ̀ àfaꞋa ntsìà mèpɨ̧̀, e ghɨ̌ Mbɔ̧ɔ̧mà naa nɨ awɔb mbɨ̀Ꞌɨ̀ àghɨa èpɨ̧̀ a kuꞋ, nkàà ndɨ Fo Kèfə ghɨ awɔb ane bòt Mbɔ̧ɔ̧mà la.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Efesɔ̀s 5:15

Ale, bɨ̀ me ko awɨ̧ ane ndɨ bɨ̀a ngɨ̀à mènəè mɨ̧ la. Bɨ̀ ka me ghɨ̀ mènəè mɨ̧ mbɨ̀Ꞌɨ̀ bòt kà bɔ èyì, bɨ̀ me ghɨ̀ mbɨ̀Ꞌɨ̀ bòt bɔ bɔ èyì la.

Filìpȩ 4:18

E ngu anè nkɨ eshu awɨ̧ nê, mâ ye èghɨ bu ègème bɨ tsàà Èpaflɔ̀ditùs tà nɨŋ nkɨ̀Ꞌɨ̂ la, e bɔ̂ ndzà̧ tê me bəèꞋtè am. Èghɨ ngaa bu aà mbɨ̀Ꞌɨ̀ àghɨa àa mbɔ̀ bɔ tô̧ a me nəꞋə àghaa ntsɔ̧̀ nkɔꞋɔ nga a ègwet Mbɔ̧ɔ̧mà naa nɨ la.

Ebùlù 8:3

Bɔɔ̀ ngɨ̀ bɔ̀ me zi wòt ègème ane àtsəa bèntsìà mèpɨ̧̀ Mbɔ̧ɔ̧mà, bɔ wua nkɨà mbɨ̀Ꞌɨ̀ taa me ŋa èghɨ, mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà. Ale, a li mbɔ̀ŋ nê àya nè àtsəa bèntsìà mèpɨ̧̀ Mbɔ̧ɔ̧mà à bɔ àghɨa ko tàa ŋa abua Mbɔ̧ɔ̧mà la mɨ̧̂.