Bib sou entènèt

Efesɔ̀s 4:31 - Mundani

³¹ Bɨ̀ ka mbèà bòt a mèntɨ̧ɨ̧ mɨ̧, bɨ̀ ka me bɔ èntɨ̧ɨ̧ nendu̧ nè ntsootsə, bɨ̀ ka ntsi me ŋȩte bòt, bɨ̀ ka ntsi me làꞋa kàbɔ̀ŋ ane bòt, bɨ̀ waꞋa mèmɨ̀ɨ̀te kàbɔ̀ŋ ègème.

Gade chapit la Kopi

tounen moute ⬆

Efesɔ̀s 4:31
62 Referans Kwoze

Kɔ̀losìà 3:8

Ka bɨ bɔ ndɨ bɨ̀a waꞋa èwuu èghɨ bàagème àfɨ̀Ꞌ yaa la. Èghɨ mbɔŋ wu ntsǒtsə, nè èntɨ̧ɨ̧ nendu̧, nè màmbɔ mèmɨ̀ɨ̀te kàbɔ̀ŋ adù̧ bòt, nè màndaꞋa kàbɔ̀ŋ adù̧ bòt, kò màndaꞋa mèngǎ̧ àtsəa kɔꞋɔ leꞋ. Èwuu mèngà̧ maa ka ndɔ̀Ꞌ ane àlia ndzə a ètsəê wòt kǒ ane yɨ̧.

1 Pità 2:1

Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Kɔ̀losìà 3:19

Bèlu̧, bɨ̀ me kɔ̀ŋkè bèzi bɨ̧, bɨ̀ ka me tsoote ane yɔb.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

Efesɔ̀s 4:26

À me tsoo ane wanyɨ wè, à ka mbɨ̧̀ɨ̧̀ne ntsǒ mbɔŋ ŋwèèlè awê à ghɨa kàbɔ̀ŋ. A ka ngɨ̀ ndzěm kwen ane ntsǒ a èntɨ̧ɨ̧ wê. À ka ŋà èlu̧ abua Satàn.

1 Jɔ̌n 3:12

Bà ka ngu mbɨ̀Ꞌɨ̀ Kên, tà li ngu wòt Satàn wòt kàbɔ̀ŋ, mbùŋè wanyɨ vi Abèl la. Bɨ ko àghɨ yu a li ngɨ̀ ka tà buŋè wanyɨ vi la à? Wu nê, tà li ngua ngɨ̀à mènəè kà kùꞋ, wanyɨ tò me ghɨ̀ mènəè e kùꞋù la.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

Tȩtɔ̀s 1:7

Ndɨ̀ wu tà wu àtsəa bòt Yesò fàꞋà àfàꞋa Mbɔ̧ɔ̧mà la, tà ka me ghɨ̀ mènəè bòt àa me fèèle atò la, tà ka mbɔ̌ ètsəê kàbɔ̀ŋ, tà ka me ghèmtè, tà ka me nu mèlùꞋ nyaŋ, tà ka me kɨ èbet, tà ka me zǐ èntɨ̧ɨ̧ vi ane èkab nyaŋ.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

1 Tɔ̀màtià 5:13

Lə kǒ kà à wu shɨ tèlen tɔb wu nê, bɔɔ tsiꞋa nkua èlɔŋ, mè me nyi a lob a lob ndzəèà. Ànəa ko a mê mbɨ ntsè la wu nê, bɔɔ tseke tê mbùꞋ me ghɨ̀ mènàŋ, ndzìà mètsəê mɔb ane mènəè kà wu mɔb, mèà ndàꞋà mènəè bɔɔ bɔ̀ ka wu làꞋà la.

Gàlashìà 5:20

mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.

1 Kɔlìn 5:8

Bɨ̀ ghɨa bà jɨ èpǎ̧ wu, ka bà ka njɨ̀ ne bled wu è bɔ a yis nyǎꞋ, yis mbɔŋ wu mèmɨ̀ɨ̀te kàbɔ̀ŋ nè èbɨꞋte ènəê la. Bà jɨ wuê nè bled kà ye a yis adù̧, è wu èntɨ̧ɨ̧ kèfə nè màndaꞋa nkûŋ la.

Lûm 3:14

“Mètsəê mɔb è lu̧u̧ ne tèntsɔ̧̀ɔ̧̀mètsə, èngǎ̧ wɔb e mè ntaꞋa wua sɔ̀ɔ̀bà mèntɨ̧ɨ̧ bòt.”

Ètsə 12:10

E me zə àtɔŋ ko a me ŋȩ a ègwet shua nê, “Mèmpème Mbɔ̧ɔ̧mà wa, nè mètàŋ tò nè kèfɔ̧̀ tò è kɨꞋɨ abua ya àfɨ̀Ꞌ yaa. Fɔ̧̀ wu tà yɔꞋ ntsà la è nyɨꞋte mètàŋ mi, nkàà nê bɔ tsì wòt wu tàa ntɨ̧a mbì Mbɔ̧ɔ̧mà àlia àgème ndzìà mènəè àtsəa bɔnyɨ ba la tè maꞋa a si.

1 Jɔ̌n 3:15

Waa waa tàa mpààbà wanyɨ vi la, wu wòt tàa mbùŋà bɔbȩ la. Bɨ̀ bɔ̂ nko nê, wòt tàa mbùŋà bɔbȩ la bakà bɔ mèmpème kàlìà ane zi.

Tȩtɔ̀s 2:3

Shu abua bèzi juŋ mɨ̧̂ nê, bɔ̀ me ghɨ̀ mènəè mɔb wuê mbɨ̀Ꞌɨ̀ Mbɔ̧ɔ̧mà nàa nkɨ̀a la. Bɔ̀ ka me tsòkè tèlente bòt, kò ngu èbaala mèlùꞋ leꞋ. Bɔ bɔ ndɨ bɔ̀ɔ me nyɨꞋte mènəè ntsɔ̧̀ la,

2 Tɔ̀màtià 2:23

Ko mbɨ̀Ꞌɨ̀ à zì ètsəê wê a èbem mèngǎ̧ àku mu bòt àa ndàꞋà kà ko ànəa bɔ shua la. Ko nê, mèngǎ̧ mbɔŋ nàà ndìà wuê nè àyɔ̀ŋ.

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

ÀfaꞋa 21:30

ÈdziꞋ ègème e li nyìꞋnè àpfəèà nɨ̧ yu tè bòt nyaŋ e lùùlà mbu̧u̧te adzìꞋ yeamɔꞋ, mbà̧aã a Pɔ̂l, səŋne atò ndzə a èbem lob nɨ̧ Mbɔ̧ɔ̧mà yu a Jèlusalèm mbɔ mbê nkȩ̀ mètsəê lob nɨ̧ Mbɔ̧ɔ̧mà yu a Jèlusalèm la.

2 Tɔ̀màtià 3:3

Naa li ngu ane èli mbɔŋ, bòt è ka tsi ngua nkɔ̀ŋkà bòt, bɔ̀ ka tsi ngua nkua tèsȩte bòt. Bòt aa li tsiꞋa ndàꞋà kàbɔ̀ŋ adù̧ tèlente bòt ko, ngɨ̀à mènəè mbɨ̀Ꞌɨ̀ nyaãtebàꞋ mè ngèmtà, ntsìꞋa mpààbà wuê a ntsɔ̧̀ ègème.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Efesɔ̀s 4:25

Bà ka tsi ndàꞋà mèfà̧. Waa waa me làꞋa nkûŋ abua wanyɨ vi, nkàà nê, bàagème etsiꞋi bòt mbɨ̧̀ ènyit yemɔ̀Ꞌ ane Yesò.

Swiv nou:

Lyen patwone

Piblisite

Piblisite