Efesɔ̀s 4:29 - Mundani

²⁹ Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

Efesɔ̀s 4:29 Referans Kwoze

Kɔ̀losìà 4:6

Bɨ̀ tsiꞋ mèngǎ̧ mɨ̧ wu me nàa mbɔ̀, bòt e mè me kɔ̀ŋke eyute la. Bɨ̀ me ghɨ̀ ale, mbɨ̀Ꞌɨ̀ me koa ntsɔꞋɔ èngǎ̧ waa waa ane ndɨ bɔ̀ɔ zə la.

1 Tèsàlonikà 5:11

È wu ale, waa waa ane yɨ̧ me zǐ èntɨ̧ɨ̧ wanyɨ vi mè ntɨ̀ŋe atò wuê mbɨ̀Ꞌɨ̀ bɨ̀a ngɨ̀à àfɨ̀Ꞌ yaa la.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

Lûk 4:22

Mèngǎ̧ Yesò è nyi awɔb. A mè ntaꞋa tsè àwɔb ane mèngǎ̧ ntsɔ̧̀ mu è dzəè a ètsəê tò la, bɔ me shu nê, “Tè eyaa ntsè waã Jòsêb?”

1 Pità 3:1

Bɨ̀a wu bɨ̀ wu bèzi nè bèlu̧ la, bɨ̀ me zə bèlu̧ bɨ̧. Bɨ̀ me ghɨ̀ ale, mbɨ̀Ꞌɨ̀ wòt wu ane yɔb kà bɨ̧ɨ̧ne èngǎ̧ Mbɔ̧ɔ̧mà, tà ye mènəè ntsɔ̧̀ mu bɨ̀a ngɨ̀à la ndzì èntɨ̧ɨ̧ vi ane Mbɔ̧ɔ̧mà. Bɨ bakà lem mbɔ̌ ndɨ bɨ̀a làꞋa èngà̧ ka wòt naa kubte la.

Efesɔ̀s 4:16

Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

1 Kɔlìn 14:19

Ka e ngu àdziꞋa bòt chɔsì e bù̧ù̧tè la, ko maa kɔ̀ŋke a màndaꞋa èngà̧ yetà̧â̧ nkoa ànəa e shua la mbɨ̀Ꞌɨ̀ nɨ nyɨꞋte bòt, te tsě ndɨ màa làꞋà mèngǎ̧ bètɔsì èghem ane ndɨ̧tsə tsa tsa la.

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

Lûm 15:2

Waa waa ane ya me ghɨ̀ àghɨa àa me bɔ̀ wanyɨ vi ntɨ̀ŋa tò, ngɨ̀à tà kwèèlâ la.

Jɔ̌n 1:37

Mbɨ̀Ꞌɨ̀ bɔkatè tò bu babe e zə ànəa mbɔŋ la, bɔ bê sa atò nkuŋa Yesò.