Efesɔ̀s 4:28 - Mundani

²⁸ Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

Efesɔ̀s 4:28 Referans Kwoze

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Jɔ̌n 12:6

Tàà mbììta ale è kà lem ngu nê, tàà ŋǎ èghɨ abua bòt ntseb, tà wua mbììta wuê èlɨ wu tà wu tsɔŋ la. Tà li ngu mpàŋa ambè èkab ale, me tsi è we ye kɔ̀ŋke la njɨ̀a vi.

Lûk 19:8

Zàkià lɔꞋ a si nê, Lefɨ̀Ꞌ, yute ànəê ya e kɨ eshu la. “Maa ŋa àbâ èghɨ bɔ̧ abua bòt ntseb, ebɔ evəèə ètsəkab ègème mâ nəêꞋ nɨ abua wòt la ngò̧ tekwì.”

2 Kɔlìn 8:12

Bɨ ŋa nè èntɨ̧ɨ̧ wemɔꞋ ko Mbɔ̧ɔ̧mà naa nɨ nkàà nê, tàà nɨa àghɨ abua wòt ndɨ àbu ŋut a nyɨꞋte la. Mbɔ̧ɔ̧mà nàà ka shu laꞋ nê wòt ŋa àghɨ kà bɔŋ.

2 Kɔlìn 8:2

NgoꞋtsə te li ntàꞋa nyìꞋì àwɔb, ka bɔ bɔ̂ ntàꞋa wua ngùꞋtà wɔb tè bɔ̀ ka wua nkùꞋta àbu, ka wuê àfɨꞋa mbuŋ ghe ane yɔb la.

Lûm 12:13

Bɨ̀ me tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la, mè me sèè bègɨ̧̀.

Jɔ̌n 13:29

Èbeko e me mɨ̀ɨ̀te nê Yesò shu abua Judàs nê, tà gha nju̧ èghɨ bɔ̀ɔ baãaãte àdziꞋa èpà̧ wu la, mbə tà ŋà àghɨa ko abua bòt ntseb, na tà li ngu wòt tàa mpàŋa ambè èkab la.

Lûk 3:8

Bɨ̀ ghɨ èghɨ bu àa nyɨ̀Ꞌta nê, bɨ waꞋa mènəè kàbɔ̀ŋ mɨ̧ la. Bɨ̀ ka mbùꞋ me ŋeꞋe awɨ̧ a ègwet è shua nê, bɨ̀ ka ghɨ̀à èlɨ waa nkàà ndɨ Abàlàghâm wu tǎt nyaꞋ wɨ̧ la a. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yàa e ghɨ̌ aa tsiꞋi bòt àndǎ̧ Abàlàghâm.

1 Kɔlìn 4:12

nɨa èbu ba fàꞋà mbɔ̌ tèbəꞋtsə mbɨ̀Ꞌɨ̀ bɔ ètsəèjɨ wa. Wòt tsɔ̧̀ɔ̧̀tà wa, ba nê Mbɔ̧ɔ̧mà lɔ̀ɔ̀lè atò, bòt è me kɨ àtsəa ya enɨ, ba me kuule mèntɨ̧ɨ̧ ma.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Tȩtɔ̀s 3:14

NyɨꞋte bòt Yesò baa nê, bɔ̀ me zì ètsə bɔb fàꞋa èfàꞋ ntsɔ̧̀, mbɨ̀Ꞌɨ̀ e me tɨŋe bòt bu bɔ̀ɔ nkɨ̀ŋkà èghɨ la. Nê, bɔ̀ ka me tseke mbɨꞋɨ̀ bòt kà ye àtsə ànəê àyɔb.