Bib sou entènèt

Efesɔ̀s 3:17 - Mundani

¹⁷ E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Gade chapit la Kopi

tounen moute ⬆

Efesɔ̀s 3:17
24 Referans Kwoze

Kɔ̀losìà 2:7

Bɨ̀ neeta ndzì àwɨ̧ ane tò me kweele, mè ngɨ̀ mèntsèke mɨ̧ wu mbɨꞋɨ̀ tàa nkɨà la. Bɨ̀ mèe me zì mèntɨ̧ɨ̧ mɨ̧ ane tò nɨa ngà nè mbì. Eyaa wu èghɨ bɔ li nyɨ̀Ꞌte awɨ̧ la. Bɨ̀ me ghɨ̀ ale, bɨ me ŋa mènkɔ̀ŋke abua Mbɔ̧ɔ̧mà.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Lûm 5:5

Mbɨ̀Ꞌɨ̀ baa ko ale la, baa ntsèa nchɨ̀Ꞌà àku, nkàà nê Fo Kèfə yu tà ŋa abua ya la è ghɨ̂ èkɔŋ tò e lu̧u̧ a mèntɨ̧ɨ̧ ma.

Ètsə 3:20

Bɨ̀ ye, e ngua ètsələèꞋ mâ tɨ̧ me luꞋte la, wòt zəèa àtɔŋ am ntsɔ̀Ꞌɔ ètsələèꞋ, ko maa nyi a lob e wu ne tò, ba tò àa jɨ èghɨjɨ nɔ̂.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

Lûk 6:48

Tà wu mbɨ̀Ꞌɨ̀ wòt tà me kuule lob zi ntu si mbɔ̧̀ àtetsi a ègwet èwu la. Èdzî e tsekè tè ndu̧ nkɔꞋ ndèbè lob yu, ka è kà bentè, nkàà ndɨ tà lè bɔ̧ɔ̧ àtetsi ntsɔ̧̀ la.

Matìù 13:6

Nyèm chu mbê ntò̧ èsaãaãme wu e tuute la, e yu̧ ndɨ̀ wu tèghaŋ tɔb tè bakà nyi a si ntsɔ̧̀ la.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Jɔ̌n 6:56

Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

1 Kɔlìn 3:6

E ndi nyɔ̀Ꞌ èsaãaãme, e tu, Àpolòs zì mèleb, ka è lè wu Mbɔ̧ɔ̧mà tà ghɨ̂ e tsə la.

2 Kɔlìn 13:5

Bɨ̀ neeta ndȩ̀ àwɨ̧ bɨ̀ambɔŋ ndze nê kò bɨa ntsèka mbɨ̀Ꞌɨ̀ bòt bɔ zì mèntɨ̧ɨ̧ mɔb ane Yesò Klistò la, e bɔ ndɨ bɔ̀ɔ me tseke la leꞋ. Kò bɨ bakà ko nê Yesò Klistò wu a mèntɨ̧ɨ̧ mɨ̧ leè? È wu nê bɨ lâ ndzì mèntɨ̧ɨ̧ mɨ̧ ane tò ko tà wu nè nɨ̧̀.

Swiv nou:

Lyen patwone

Piblisite

Piblisite