Efesɔ̀s 1:6 - Mundani

⁶ Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 1:6 Referans Kwoze

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

Efesɔ̀s 1:12

Tà li ngɨ̀ anè mbɨ̀Ꞌɨ̀ bàa wu Mbɔ̧ɔ̧mà li ngɨ̀ ba wu bòt mbì e nɔ̀ŋe ntɨ̀ ya e me chɨ̀Ꞌɨ̀ a Yesò Klistò la, aa me tseke ndɨ bòt àa me wùꞋtè ènɨ̧ Mbɔ̧ɔ̧mà la.

Filìpȩ 4:19

Mbɔ̧ɔ̧mà am naa nɨ èghɨ kèfɔ̧̀ vi eŋa èghɨ ègème bɨ̀a nkɨ̀ŋkà la kà kuꞋte àbu, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Efesɔ̀s 1:14

Fo tò yaa wu àghɨa mbì tà nɨŋ nyɨ̀Ꞌte nê baa li bɔ èghɨ bu ye kàꞋà wa la. Baa li bɔ èghɨ bàa ane àli yu Mbɔ̧ɔ̧mà nàa li ghɨ̌ bàa wu bà wu bòt tò la aa peme la. Èghɨ baa tà ghɨ̀ la aa ghɨ̌ bòt aa me wùꞋtè ènɨ̧ tò.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Jɔ̌n 10:17

Ale, Tǎt am Mbɔ̧ɔ̧mà nàà nkɔ̀ŋkè am nkàà nê, mâ bɨ̧ɨ̧ne eŋa àtsə am epfə, ka elɔ̀Ꞌɔ e mě yu̧u̧me.

Jɔ̌n 3:35

Mbɔ̧ɔ̧mà nàà nkɔ̀ŋkà Waã vi tè ndzì èghɨ ègème a tèkitebu tò.

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Matìù 20:9

“Ale, tà ghɨ a èlɨ mbɔŋ ŋà àkwȩkab yeamɔꞋ, yeamɔꞋ abua bòt bu bɔ ghɨ̂ mbùꞋu àfàꞋ mbɔŋe ane nyèm tetà̧â̧ àfɨꞋa nyèmtèsi la.