Bib sou entènèt

Efesɔ̀s 1:3 - Mundani

³ Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

Gade chapit la Kopi

tounen moute ⬆

Efesɔ̀s 1:3
39 Referans Kwoze

1 Pità 1:3

Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

2 Kɔlìn 1:3

Bà kɔ̀ŋke a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà wu Tǎt tàa nkua tèsȩ la, mè ngu Mbɔ̧ɔ̧mà tàa ndzìà mèntɨ̧ɨ̧ bòt la.

Efesɔ̀s 2:6

Mbɔ̧ɔ̧mà li njù̧ù̧me awa ba Yesò ba nɔ̂, ngɨ̀ ba Yesò Klistò ba e tseke a ègwet.

Efesɔ̀s 1:20

njù̧ù̧me a Yesò Klistò àfɨꞋa tà li mpfə la, ngɨ̀ tà tseke àbâ àbualu̧ a zi a ègwet la.

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Gàlashìà 3:9

Mbɨ̀Ꞌɨ̀ Abàlàghâm li ndzì èntɨ̧ɨ̧ vi ane Mbɔ̧ɔ̧mà mbɔ̌ èlɔ̂t mbɨ̀Ꞌɨ̀ wòt tò la, wu wuê a èlɨ mbɔŋ wòt ègème tà zi èntɨ̧ɨ̧ vi ane Mbɔ̧ɔ̧mà la nàa bɔ èlɔ̂t la.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

Efesɔ̀s 1:17

shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

1 Kɔlìn 12:12

BetsiꞋa bɔ fɨ̀Ꞌnè èwuu mèghàb maa ane mbɨ̧̀ ènyit è bɔ èdziꞋ ènyit nyaŋ la. È batè mbɔ̀ èdziꞋi ènyit nyaŋ ale, mbɔ̂ mbèle wuê mbɨ̧̀ ènyit yemɔ̀Ꞌ, wu wuê ndɨ mbɨ̧̀ ènyit Yesò Klistò nàa la.

Lûm 12:5

Eyaa wu ndɨ bàa batè ngu nyaŋ ale, ka ngu mbɨ̧̀ ènyit yemɔ̀Ꞌ ndɨ̀ wu bàa tsiꞋi àghɨ yeamɔꞋ nè Yesò Klistò la, mè fɔte nè bɔnyɨ ba mbɨ̀Ꞌɨ̀ èdziꞋ tsa tsa ane mbɨ̧̀ ènyit yemɔ̀Ꞌ la.

Efesɔ̀s 1:10

Tà li ngua ntàŋka nê àfɨꞋa ngaa aa ghɨ̌ nkùꞋ ye fète èghɨ ègème è wu a ègwet nè sitsǎꞋ la ndzi a èten Yesò Klistò.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Lûm 15:6

À wu ale mbɨ̀Ꞌɨ̀ bɨa me wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa nè ètsəê wemɔꞋ.

Ebùlù 8:5

ÀfàꞋ yu bèntsìà mèpɨ̧̀ Mbɔ̧ɔ̧mà ba àa ngɨ̀à la, wu àfəa àghɨa à wu a ègwet la. Àa mbɨ̀Ꞌɨ̀ a li ngu ane Musì la. È li ngu àfɨꞋa tàa nkɨ e ghɨ̀ àdziꞋa ntsèm yu a èbem lob Mbɔ̧ɔ̧mà la, Mbɔ̧ɔ̧mà səèŋkè àtû̧ atò nê, “Ye nê, à ghɨ̌ àghɨ àgème wuê mbɨ̀Ꞌɨ̀ e ndi nyɨ̀Ꞌte awê a ègwet èbȩ la.”

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

Ebùlù 9:23

A li mbɔ̀ŋ nê bɔ̀ nɨ àlo̧ èghɨ bàa shùù èghɨ bu è wù àfəa bu a ègwet la è fə. Aà nyɨ̀Ꞌta nê bɔ̀ nɨ àlo̧ èghɨ e tsè baa la ka nɨŋ shùù èghɨ bu a ègwet la.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Lûk 2:28

Simiòn nɨ waã wu mbèà, ngùꞋtè a Mbɔ̧ɔ̧mà nê:

Swiv nou:

Lyen patwone

Piblisite

Piblisite