Ebùlù 9:5 - Mundani

⁵ Banyà̧ ko bèa nyɨ̀Ꞌta nê ènɨ̧ Mbɔ̧ɔ̧mà aa bòt la e li ngu a kɔ̧̀ èkɔb wu mbɔ̂ sà̧à̧mè tèbaabè tɔb nkàbte àdziꞋ yu Mbɔ̧ɔ̧mà nàa ngwaꞋà bèkàbɔ̀ŋ bòt la. Ba baka bɔ àfɨ̀Ꞌ a bàa yaatè mènəè maa ègème àfɨ̀Ꞌ yaa e làꞋa la.

Ebùlù 9:5 Referans Kwoze

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Lûm 9:4

Wu bòt Izəèlȩê, Mbɔ̧ɔ̧mà nɨ awɔb ane bɔ̧ bi la. Tà li nyɨ̀Ꞌte awɔb ènɨ̧ vi, ngɨ̀ mènkàꞋa kèkweelè mi bɔ̂ tò ba a ngo̧ a ngò̧, ŋa mbɨ̧ zi abua yɔb, nyɨ̀Ꞌte awɔb ndɨ bɔ̀ɔ me wùꞋtè àvi la, mè nkàꞋ àwɔb èghɨ nyaŋ.