Ebùlù 8:2 - Mundani

² Tàà fàꞋà mbɨ̀Ꞌɨ̀ àtsəa bèntsìà mèpɨ̧̀ àdziꞋa ntsèm a Mbɔ̧ɔ̧mà, è wù ngule àdziꞋa bɔɔ nguꞋta Mbɔ̧ɔ̧mà, Tǎt wa Mbɔ̧ɔ̧mà zìambɔŋ vəèəè ka wu wɔ̀bȩ̂ tà vəèəè la.

Ebùlù 8:2 Referans Kwoze

2 Kɔlìn 5:1

Ba ko nê mbɨ̧te ènyit ta tàa te wu mbɨꞋɨ̀ bayò bàa ntsèka a èbèm a sitsǎꞋ ŋàa la. Bɔ bùà bayò mbɔŋ ko baa bɔ lob a ègwet kà vəə bɔbȩ. Lob mbɔŋ wu lob Mbɔ̧ɔ̧mà zìambɔŋ è vəə nàa li ewu ane àlia nè àlia la.

Lûm 15:8

Maà nkɨà bɨa ku̧u̧te nê Yesò Klistò li ntsìꞋi wɔ̀fàꞋ abua Bèjuê ale, nɨŋ nyɨ̀Ꞌte nê Mbɔ̧ɔ̧mà wu wòt nkûŋ ane àghɨa tà li nkàꞋ bètǎt nyaꞋ ba la.

Ebùlù 11:10

Tà li ngua nchɨ̀Ꞌà e ghɨ̌ tseke a èbem àpfəèà nɨ̧ yu Mbɔ̧ɔ̧mà fɨ̀Ꞌtè mbɔ̧̀ɔ̧ zìambɔŋ la, è wu àpfəa àa wu ane àlia nè àlia la.

Ebùlù 10:21

Ba bɔ taꞋà ntsìà mèpɨ̧̀ tà wu àtsəa lob Mbɔ̧ɔ̧mà la.

Kɔ̀losìà 2:11

Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Ebùlù 9:1

È màà ngu wuê mènkàꞋa kèkweelè mbì mu ko è li mbɔ̀ balu̧ bɔ̀ɔ nɨa ka ntsàꞋta Mbɔ̧ɔ̧mà la, me mbɔ̂ àdziꞋ a sitsǎꞋ bɔ̀ɔ ntsàꞋta Mbɔ̧ɔ̧mà abot la.

Ebùlù 10:11

Ntsìà mèpɨ̧̀ Mbɔ̧ɔ̧mà ègème li ngua ngɨ̀à àfàꞋ àzi àli àgème, nkɨ̧̀ɨ̧̀ma banyà̧ ŋǎ abua Mbɔ̧ɔ̧mà a ngo̧ a ngò̧, ka banyà̧ mbɔŋ bè ka wua nkoà ngɨ̀à Mbɔ̧ɔ̧mà waꞋa bèkàbɔ̀ŋ bòt.

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.