Ebùlù 5:9 - Mundani

⁹ ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ebùlù 5:9 Referans Kwoze

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

Ebùlù 2:10

Mbɔ̧ɔ̧mà wu wòt tà li ngɨ̀ ka àghɨ àgème a wu la, mè ngua ngɨ̀à èghɨ mbɔŋ ègème abua zi. Tà li ngua nkɨà nê bòt nyaŋ è wu bɔ̧ bi mbɨ̀Ꞌɨ̀ èghɨ bɔɔ bɔ ènɨ̧. A li mbɔ̀ŋ nê tà ghɨa wòt wu tàa ghɨ bòt aa bɔ mèmpème la ye ngoꞋ mbɨ̀Ꞌɨ̀ ewu àghɨa tà bɔ ndɨ tàa wu yùà la.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 9:12

Yesò li nyi a èbem àyò ya ngò̧ yemɔ̀Ꞌ, ntsè nga a èbem àdziꞋa ntsèm a mbì a Mbɔ̧ɔ̧mà yu. Tà li tà kà nɨ àlo̧ a dzətsə nè mpɔ̀ŋtsə ka nɨ enyi. Tà li ŋà àlo̧ azi zìambɔŋ, nɨŋ ngɨ̀ ba bɔ mèmpème nàa li ewu ane àlia nè àlia la.

ÀfaꞋa 5:32

Ba Fo Kèfə ba e ye, mè nkoê mènəê maa. Mbɔ̧ɔ̧mà è tsàa Fo zi yaa abua bòt bu bɔ̀ɔ ndzəèa tò la.”

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

Lûm 2:8

Ka è me wu bòt bu bɔ̀ɔ nkɨà nê àghɨ àgème a wu wu ayɔb la, mè ntu̧u̧ bɨ̧ɨ̧ne ànəa nkûŋ yu a dzə abua Mbɔ̧ɔ̧mà la, me ghɨ̀ wuê mènəè kàbɔ̀ŋ la, ko Mbɔ̧ɔ̧mà naa nyɨꞋte ntsǒ zi, enɔ̀ŋe ngoꞋ kèkweelè a ègwet lɔb.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

2 Kɔlìn 10:5

Baa nɨa nkèla mènkwàꞋte kàbɔ̀ŋ ègème, nè àghɨ àgème bòt àa mɨ̀ɨ̀tà nê bɔ ko nyaŋ, a kela wɔb a mànkoa a Mbɔ̧ɔ̧mà la. Mbà̧aã mènkwàꞋte ègème mbɨ̀Ꞌɨ̀ ghɨ̌ bòt bu nè èwuu mènkwàꞋte mbɔŋ la aa me zəa Yesò Klistò.

Lûm 15:18

Maa me laꞋà wuê ànəa àghɨa Yesò Klistò ètsè ane yaã ngɨ̀ mbɨ̀Ꞌɨ̀ maa ghɨ̌ bòt kà wu Bèjuê aa me zəa Mbɔ̧ɔ̧mà la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Lûm 10:16

Ka bɔ̀ɔ àgème e bakà bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà e shu la, wuê mbɨ̀Ꞌɨ̀ Àsayà shu la nê, “Tê, wòt wu tà bɨ̧ɨ̧ne ànəa bàa shu la wu wàà?”

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Jɔ̌n 19:30

Yesò sɔɔte tà nê, “A mî”, mbɔ̂ nchùŋe àtsəa zi a si mpfə.

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Jûd 1:21

Bɨa me chɨ̀Ꞌɨ àfɨ̀Ꞌ yu Yesò Klistò Lefɨ̀Ꞌ wa nàa nɨ tèsȩ ti e ghɨ̌ bɨa bɔ mèmpème kàlìà la, bɨ me tseke ane èlɨ Mbɔ̧ɔ̧mà nàa me kɔ̀ŋkè àwɨ̧ la.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Ebùlù 11:40

A li ngu ale nkàà nê Mbɔ̧ɔ̧mà taŋkè àghɨa ntsɔ̧̀ àko abua ya, mbɨ̀Ꞌɨ̀ bɔɔ fɔte ba tò ba ka ebɔ, è wù àghɨa bɔ bɔ ndɨ bɔ̀ɔ wu yùà la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

Lûk 13:32

Yesò shu abua yɔb nê, “Bɨ̀ gha shu abua tǎt eŋɔꞋte mènəè ngaa nê, e ngua fəèà fote kàbɔ̀ŋ tèa ŋǎ bòt ngoꞋ la, mè mbəèa bòt àghɔ̧ laane bɔ̂ tètsɔꞋ, ka atetsɔꞋ vìa maa paate àfàꞋ am.

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

Filìpȩ 2:12

Ngule bèshu̧ bɔ̧, mbɨ̀Ꞌɨ̀ àa anè la, ndɨ̀ wu bɨ li ngua ndzəèa am àfɨ̀Ꞌ yu e ndi ngu ba nɨ̧̀ ba la, a bɔ̂ŋ nê bɨ̀ paa me zə am àfɨ̀Ꞌ yaa e nte ntsě a ngèt yɨ̧ la. Bɨ̀ me ghɨ̀ mènəè mɨ̧ mbɔ̀ɔ a Mbɔ̧ɔ̧mà, mèntɨ̧ɨ̧ mɨ̧ mě me bente mbɨ̀Ꞌɨ̀ bɨa paa bɔ mèmpème.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.