Ebùlù 5:8 - Mundani

⁸ Tà li mbàte ngu Waã Mbɔ̧ɔ̧mà ale, ka ngoꞋ yu tà li ndze la ghɨ̀ tà lànê me zəa Tǎt vi.

Ebùlù 5:8 Referans Kwoze

Filìpȩ 2:8

Tà ghɨ̀ ale, nɨ̀ àvi a si, ndzə ànəa Mbɔ̧ɔ̧mà shu la, mbɨ̧̀ɨ̧̀ne epfə, tè mpfəè èwuu èvə lu bɔ̀ɔ ngù̧ù̧ta wòt a mbɨ̧̀ mbasa la.

Jɔ̌n 4:34

Yesò shu abua yɔb nê, “Èghɨjɨ bɔ̧ wu nê è ngɨ̀ àghɨa wòt wu tà tsàà am la nàa nkɨà la, mè paa àfàꞋ yu tà ŋa abua am la.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 6:38

È nka chua a ègwet e ghɨ̀ àghɨa èntɨ̧ɨ̧ am àa nkɨà la; e nkɨ̀Ꞌa e ghɨ̀ àghɨa wòt tà tsàà am la nàa nkɨà la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

Ebùlù 1:5

Mbɔ̧ɔ̧mà bakà li mè shu abua wantu̧ vi kǒ nê, “À wu waã am; Laane e ngu Tǎt wè.” Tà kà li te mè shu abua wekǒ nê, “Maa nga wu tǎt tò, taa wu waã am.”

Matìù 3:15

Yesò shu abua tò nê, “TsiꞋ à wu anè àfɨ̀Ꞌ yaa, nkàà nê ba nè e bɔ ndɨ bàa ghɨ̌ èghɨ ègème Mbɔ̧ɔ̧mà nàa nkɨà la.” Ale, Jɔ̌n bɨ̧ɨ̧ne.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Jɔ̌n 10:18

Wòt kǒ tàa bùŋè am kà e shu nê à wu ale la ntsě. Mâ ŋa àtsə am ane mɔ̧ nè mènkɔ̀ŋke. Mâ bɔ mètàŋ ndɨ betsiꞋa e ŋà àtsəa am mpfə la, mè mbɔ̀ mètàŋ ndɨ betsiꞋa e nju̧u̧mè la. Eyaa wu àghɨa Tǎt am Mbɔ̧ɔ̧mà laꞋnê e ngɨa la.”