Ebùlù 4:16 - Mundani

¹⁶ È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Ebùlù 4:16 Referans Kwoze

Efesɔ̀s 3:12

Ndɨ̀ wu ba tsiꞋi àghɨ yeamɔꞋ nè Yesò Klistò mè ndzì mèntɨ̧ɨ̧ ma ane tò la, baa ko eghǎ a mbì Mbɔ̧ɔ̧mà elàꞋà ba tò ba kà ye kèbɔɔ.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Ebùlù 13:6

Ale, betsiꞋa waa waa ane ya shu ka bɔ̀a nê, “Mbɔ̧ɔ̧mà ka tàa ntɨ̀ŋa am la, betsiꞋa è nka bɔà. Àghɨ yu betsiꞋa wɔ̀bȩ̂ ghɨ ane yaã la wu ghàà?”

1 Pità 2:10

È li ngu àfɨ̀Ꞌ àko bɨ̀ ka wu bòt Mbɔ̧ɔ̧mà, ka nè àfɨ̀Ꞌ yaa bɨ̀ tsiꞋi bòt tò. È li ngu àfɨ̀Ꞌ àko Mbɔ̧ɔ̧mà kà wua nkua tèsȩ tɨ̧, ka nè àfɨ̀Ꞌ yaa tà ku tèsȩ tɨ̧.

Efesɔ̀s 2:18

E tsě ane Yesò bàagème ba bɔ Fo Mbɔ̧ɔ̧mà yemɔ̀Ꞌ ngu ko eghǎ a mbì tò.

Ebùlù 7:19

Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.

Ebùlù 9:5

Banyà̧ ko bèa nyɨ̀Ꞌta nê ènɨ̧ Mbɔ̧ɔ̧mà aa bòt la e li ngu a kɔ̧̀ èkɔb wu mbɔ̂ sà̧à̧mè tèbaabè tɔb nkàbte àdziꞋ yu Mbɔ̧ɔ̧mà nàa ngwaꞋà bèkàbɔ̀ŋ bòt la. Ba baka bɔ àfɨ̀Ꞌ a bàa yaatè mènəè maa ègème àfɨ̀Ꞌ yaa e làꞋa la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.