Bib sou entènèt

Ebùlù 3:2 - Mundani

² Tà li ngua ngɨ̀à àghɨ àgème Mbɔ̧ɔ̧mà wu ta lȩ̂ atò la shu nê tà ghɨa la wuê mbɨ̀Ꞌɨ̀ Musì li ngua nèètà ndzəa wuê ànəa àfàꞋ àzi a èbem lob Mbɔ̧ɔ̧mà ègème la.

Gade chapit la Kopi

tounen moute ⬆

Ebùlù 3:2
14 Referans Kwoze

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

Efesɔ̀s 2:22

Tàà fèta wɨ̧ mɨ̧̂ ndzia ayɔɔ bòt Mbɔ̧ɔ̧mà ko mbɨ̀Ꞌɨ̀ bɨ̀agème aa tsiꞋi àdziꞋa Fo Mbɔ̧ɔ̧mà nàa ntsèka la.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Jɔ̌n 17:4

Mâ ghɨ̂ bòt e ye ènɨ̧ wê a sitsǎꞋ, na mâ paa àfàꞋ yu à li ŋa nê è ngɨa la.

1 Tɔ̀màtià 1:12

Maà ŋàa mènkɔ̀ŋke abua Yesò Klistò Lefɨ̀Ꞌ wa wu tà ŋa am mètàŋ ane àfàꞋ am la. Mâ kɔ̀ŋke atò ane ndɨ̀ wu tà ye nê, e ngu ngule wòt, mè ndȩ̀ am nê è me ghɨ̌ àfàꞋ àzi la.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 8:29

Wòt tà tsàà am la wu ba tò, tà bakà sa am mmɔ̌ ndziꞋne, nkàà nê maa ngɨ̀à wuê àghɨa tàa nkɨà la àfɨ̀Ꞌ àgème.”

Jɔ̌n 7:18

Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la.

Swiv nou:

Lyen patwone

Piblisite

Piblisite